Niekali Malavanyča zvolnili za vykazvańni pra palityku. Ale adnamu akcioru teatra heta nie pieraškadžaje
U mai 2021 hoda z teatra Horkaha zvolnili akciora Alaksandra Ždanoviča, viadomaha jak Malavanyč. Jon nibyta parušyŭ pryniaty ŭ teatry «kodeks honaru», kali, pavodle dyrektara teatra, «zaklikaŭ u sacsietkach da adkrytaha vystupu suprać ułady». Pry hetym jašče adzin akcior, jaki taksama aktyŭna vykazvajecca pra palityku, dahetul pracuje ŭ teatry.
Havorka pra 44-hadovaha Vasila Hračuchina, uradženca horada Rasony Viciebskaj vobłaści. Jon u teatry imia Horkaha staražył — pracuje tam z 2004 hoda, pryjšoŭ adrazu paśla vypusku z Akademii mastactvaŭ.
U repiertuary Hračuchina śpiektakli pa suśvietnaj («Pihmalijon», «Utajmavańnie svavolnaj») i ruskaj («Hora ad rozumu», «Idyjot») kłasicy, a taksama źviazany ź biełaruščynaj «Piaśniar» pa scenary Vasila Drańko-Majsiuka, pryśviečany Uładzimiru Mulavinu. Zaraz hety akcior z amal 20-hadovym stažam u teatry nie maje ni adnoj hałoŭnaj roli.
Taksama Vasil Hračuchin zdymaŭsia ŭ roznych filmach i sieryjałach, zbolšaha rasijskich, u epizadyčnych rolach. Naprykład, u sieryjale «Vakalna-kryminalny ansambl» Hračuchin ihraŭ achoŭnika, u sieryjale «Muchtar. Novy śled» — naftavika, a ŭ sieryjale «Varažba pry śviečkach» nazva jaho roli hučyć jak «bandyt la ankacentra». Napeŭna, samy rejtynhavy ź filmaŭ z udziełam Hračuchina — stužka «Sałdacik» 2018 hoda, jakaja maje na «Kinapošuku» rejtynh 8 bałaŭ z 10.
Vasil Hračuchin pracuje ź dziećmi ŭ Sienickim centry kultury, tam jon uznačalvaje dziciačuju teatralnuju studyju «Aŭtohraf».
Ale nas jon zacikaviŭ pa inšaj pryčynie. U mai 2021 hoda z teatra Horkaha zvolnili kalehu Hračuchina Alaksandra Ždanoviča, viadomaha jak Malavanyč. Eks-viadučamu «Kałychanki pastavili ŭ vinu, što jon nibyta parušyŭ pryniaty ŭ teatry «kodeks honaru», kali, pavodle dyrektara teatra, «zaklikaŭ u sacsietkach da adkrytaha vystupu suprać ułady, ahułam pierabraŭ sa svaimi paŭnamoctvami».
Reč u tym, što Hračuchin taksama aktyŭny ŭ sacsietkach. Jon padpisany na staronki Aleha Hazmanava i Mikity Michałkova, viadomych svajoj prakramloŭskaj pazicyjaj, a taksama supołki rasijskich prapahandystak Volhi Skabiejevaj i Irady Ziejnałavaj. Dziŭna, što siarod padpisak Vasila schavałasia staronka Juryja Šaŭčuka, jaki adkryta prajaŭlaje svaju antyvajennuju pazicyju.
U svaich publikacyjach Vasil Hračuchin napadaje na biełaruskuju nacyjanalnuju simvoliku:
Uchvalaje abstreły Kijeva:
Taksama ŭ Hračuchina vyklikaje zachapleńnie «refierendum» pa anieksii terytoryi Ukrainy:
Hračuchin, padobna, ličyć siabie ruskim, chacia i naradziŭsia ŭ Rasonach Viciebskaj vobłaści:
Što pra heta kažacca ŭ «kodeksie honaru» teatra?
«Naša Niva» — bastyjon biełaruščyny
PADTRYMAĆU Nacyjanalny akademičny teatr imia Janki Kupały nabrali akcioraŭ z Rasii
Stary chit «Pieśniaroŭ» uvajšoŭ u saŭndtrek da kampjutarnaj hulni
-
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda
-
Ankołah Karanik vystupiŭ z dakładam ab zachavańni bujnoj rahataj žyvioły
-
Maładuju minskuju jurystku, jakaja ciapier zajmajecca dyzajnam interjeraŭ, asudzili za ŭdzieł u pratestach
Kamientary
a jakija roli hraje hety hchm... aktor?
Chrenin
Karpienkov vučylisia ŭ raškie
u nas 7% papulacyi - etničnyja rusaki jakija naradzilisia ŭ sssr i pierajechali ŭ Biełaruś, u ich druhija pohladŭy na žyćcie