Ekśpiertcy pa etykiecie Zareckaj i biznesmienu Karaŭcu prysudzili pakarańnie ŭ vyhladzie kałonii
Sud nad ekśpiertkaj pa etykiecie Aksanaj Zareckaj i ŭładalnikam firmy Astronim Bahdanam Karaŭcom pačaŭsia 10 sakavika. Siońnia dziaržabvinavačańnie zaprasiła im pakarańnie.
U vyniku Zareckaj dali paŭtara hoda kałonii, Karaŭcu — dva hady.
Ich sudziać razam i abvinavačvajuć pa «narodnym» artykule za «aktyŭny ŭdzieł ci arhanizacyju dziejańniaŭ, što parušajuć hramadski paradak», piša telehram-kanał Kaardynacyjnaj rady.
U abaich jość niepaŭnaletnija dzieci.
Padčas sudovych sprečak advakat padsudnych padkreśliła, što parušeńnie zakonu, jakoje inkryminujuć Aksanie i Bahdanu adbyłosia bolš za 2 hady tamu. Z taho času abvinavačanyja nijakich zakonaŭ nie parušali, pracavali na karyść krainy i nie pierajechali, niahledziačy na takuju mahčymaść. U jakaści źmiakčalnych abstavinaŭ abaronca taksama daviała siamiejnyja składanaści ŭ abodvuch abvinavačanych.
U baćki Aksany Zareckaj prablemy sa zdaroŭjem, Bahdan vychoŭvaje dzicia ź invalidnaściu. Taksama ŭ jakaści chadajnictvaŭ da piśmovych materyjałaŭ spravy byli dałučanyja šmatlikija stanoŭčyja charaktarystyki na abodvuch abvinavačanych z roznych miesc pracy.
U svaim apošnim słovie Aksana Zareckaja paprasiła prabačeńnia ŭ siamji za tyja vyprabavańni, jakija im daviałosia vytrymać u suviazi ź jaje pazbaŭleńniem voli.
«Ja dumała, što mahu pieražyć luboje pakarańnie, ale raźvitańnie z rodnymi i vyprabavańni dla blizkich — samaje składanaje», — adznačyła Aksana.
Ciapier čytajuć
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary