Što za apieracyju zrabiŭ Kirkoraŭ, kab mieć kubiki na presie? Raskazvajem miechanizm
Rasijski artyst pačaŭ viasnu ź vizitu da płastyčnaha chirurha, vynikam čaho stali vyraznyja kubiki na presie. Raskazvajem padrabiaźniej pra praceduru.
Dakładna nieviadoma, praź jakuju kankretna apieracyju prajšoŭ Filip Kirkoraŭ. Vierahodna, heta lipaskulptura (lipamadelavańnie), jakaja dazvalaje zrabić na presie pryhožyja kubiki.
Sutnaść apieracyi ŭ tym, što chirurh zabiraje tłušč z bolš prablemnych učastkaŭ cieła (žyvot, pajaśnica) i pieranosić jaho tudy, dzie tłušču niedastatkova (čaściej za ŭsio razmova pra jahadzicy).
Zvyčajna lipaskulpturu robiać dla taho, kab nadać jahadzicam vyraznuju formu, adnak jaje vykarystoŭvajuć i dla farmavańnia pryhožaha atletyčnaha žyvata, u tym liku i z tymi samymi kubikami na presie. Płastyčnyja chirurhi kažuć, što hetaja apieracyja nadta papularnaja ŭ fitnies-instruktaraŭ, dla jakich vydatny źniešni vyhlad — častka ich prafiesii. Navat paśla šmatlikich hadoŭ trenirovak nie va ŭsich atrymlivajecca stvaryć pres mary, i voś tut na dapamohu prychodzić lipaskulptura.
Hetuju apieracyju možna ličyć adnym ź vidaŭ lipasakcyi — mietodyki, kali šlacham płastyčnaj chirurhii z arhanizma prybirajuć liški tłušču. Imavierna, heta zdaryłasia i z Kirkoravym. Adnak u vypadku z presam zvyčajna vykarystoŭvajuć nie zvykłuju płoskuju lipasakcyju, a jaje trochmierny varyjant, kab padkreślić anatamičnyja zahłybleńni pamiž myšcami i zrabić pres bolš reljefnym. Tak i sami muskuły presa robiacca bolš zaŭvažnymi.
Kirkoraŭ — daloka nie adzinaja znakamitaja asoba, chto vyrašyŭ takim čynam sekanomić čas na zaniatki fitniesam. Ekśpierty ličać, što lipaskulpturaj karystajucca šmatlikija halivudskija zorki, naprykład, Kim Kardašjan i Dženifier Łopies.
Apieracyju čaściej za ŭsio vykonvajuć pad ahulnym narkozam. Jaje praciahłaść zaležyć ad pamieraŭ žyvata, ale ŭ siarednim zajmaje adnu-dźvie hadziny. Zvyčajna pacyjentaŭ adpuskajuć dachaty ŭ toj ža dzień, na praciahu niekalkich tydniaŭ paśla apieracyi im treba nasić kampresijnuju bializnu abo śpiecyjalny harset.
Tym, chto zrabiŭ apieracyju, pažadana ŭ budučyni nie zabyvać treniravacca i pravilna charčavacca, kab niapravilny ład žyćcia nie źvioŭ efiekt ad lipaskulptury da nula. Płastyčnyja chirurhi kažuć, što pacyjentaŭ vielmi matyvuje vynik apieracyi, i heta dapamahaje im jaho padtrymlivać.
Ale ž navat kali vy majecie lišnija paru tysiač dalaraŭ, heta nie harantyja taho, što vam za hadzinu vylepiać u klinicy vydatny tors. Važna, kab kandydat na lipaskulpturu vioŭ adnosna aktyŭny ład žyćcia i adchileńnie jaho vahi ad normy składała nie bolš za 30%, a indeks masy cieła byŭ nie bolšy za 30.
«Naša Niva» — bastyjon biełaruščyny
PADTRYMAĆLudzi taŭściejuć pa dvuch typach: abo jabłyk, abo hruša. Što horš? Raskazvaje doktar
Historyja Brendana Frejziera: jak zorka «Mumii» źnik z kino praz depresiju, a ciapier uziaŭ «Oskar»
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki40
«U syna na telefonie byli naleplenyja ściah i hierb Rasii. Z hetaha ŭsio pačałosia». Baćka školnika z Baranavič raskazaŭ, jak jaho syna ckavali adnakłaśniki
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf44
ŠI-hienieracyju ŭ videahulniach krytykavali, a ciapier zachaplajucca. Źlitaja technałohija ad NVIDIA pieratvaraje staryja hulni ŭ sapraŭdny kiniematohraf4
«Tekst prysiahi prahučaŭ tady dvojčy». Statkievič padzialiŭsia ŭspaminami pra prysiahu biełaruskich vajskoŭcaŭ u 1992 hodzie na Dzień bitvy pad Oršaj1818
Kamientary