Hramadstva1414

Treciuju žonku prezidenta Zimbabve zrabili hanarovym doktaram Biełaruskaha mieduniviersiteta. Pa adukacyi jana sakratarka

Žonka prezidenta Zimbabve Aksilija Mnanhahva siońnia naviedała Biełaruski dziaržaŭny miedycynski ŭniviersitet, i tam jaje aščaślivili — jana stała hanarovym doktaram BDMU. Dypłom i mantyju zamiežnaj hości ŭručyŭ rektar univiersiteta Siarhiej Rubnikovič.

Aksilija Mnanhahva z kiraŭnicaj Respublikanskaha kliničnaha miedycynskaha centra Kiraŭnictva spraŭ Łukašenki Irynaj Abielskaj

Pry hetym z honaram adznačajecca:

«Usiaho ŭ nas kala 50 hanarovych daktaroŭ — pradstaŭnikoŭ Biełarusi i mnohich krain śvietu. Usie jany ŭvajšli ŭ historyju ŭniviersiteta, vyznačylisia tymi ci inšymi dasiahnieńniami jak u navucy, tak i ŭ adukacyjnaj dziejnaści».

Pry hetym skazać, što ciapierašniaja łaŭreatka adpaviadaje hetym vysokim patrabavańniam choć by ŭ najmienšaj stupieni, nijak nie vypadaje. 60-hadovaja Aksilija Mnanhahva pa adukacyi i prafiesii sakratarka. Paśla šaści hadoŭ pracy ŭ ministerstvach na sakratarskich pasadach dziaŭčynu zavierbavała zimbabvijskaja słužba dziaržbiaśpieki, uznačalvaŭ jakuju Emiersan Mnanhahva, ciapierašni kiraŭnik Zimbabve. U jaho jana treciaja aficyjnaja žonka.

Paśla pryznačeńnia Mnanhahva vice-prezidentam Aksilija atrymała mandat deputatki parłamienta. Kali ŭ 2017 hodzie Mnanhahva adchiliŭ ad ułady sastarełaha dyktatara Robierta Muhabe, Aksilija Mnanhahva stała pieršaj łedzi. Jaje mužu na siońnia 80 hadoŭ, jon na 20 hadoŭ starejšy za žonku.

Siarhiej Rubnikovič pry ŭračystym pryjomie afrykanskaj hości adznačyŭ: «Hety vizit staŭ dla nas dastatkova znakavym i značnym, my spadziajomsia na pašyreńnie našych partniorskich suviaziaŭ i supracoŭnictva».

Vidać, heta aktualna, bo dahetul biełaruska-zimbabvijskija miedycynskija suviazi, padobna, byli nie nadta raźvityja.

Pra heta krasamoŭna śviedčyć toj fakt, što zimbabvijskaja studentka Fłorens Murvisi, jakaja taksama pryjšła pryvitać svaju pieršuju łedzi, siońnia adzinaja ŭ VNU pradstaŭnica hetaj krainy, prytym vučycca ciapier na apošnim kursie.

Takim čynam, u nastupnym hodzie zimbabvijcaŭ siarod studentaŭ BDMU moža i nie być.

Miž tym, pa słovach Rubnikoviča, usiaho ciapier u BDMU navučajecca krychu bolš za 2 tysiačy zamiežnych studentaŭ sa zvyš 55 krain śvietu.

Čytajcie taksama:

Žonka prezidenta Zimbabve sustrełasia ź Irynaj Abielskaj

Ambicyjnyja płany. «Biellehpram» choča apranuć kala 2 młn zimbabvijskich školnikaŭ i vycisnuć z hetaha rynku kitajcaŭ

Dola Zimbabve ŭ ekanomicy Biełarusi mizernaja. Čamu tady prapahanda nadaje stolki ŭvahi vizitu Łukašenki ŭ hetuju krainu?

Kamientary14

  • Abu
    06.04.2023
    A voś heta dobraja navina! Narmalnyja daktary nieŭzabavie źjeduć, to mo nam ź Zimbabvy šamanaŭ pa abmienu padkinuć!
  • 3 žonka
    06.04.2023
    a abielskaja jakaja pa liku?
  • nie da zakonaŭ
    06.04.2023
    a što vy chacieli, kahda stranoj rukavadit kałchoźnik, to i sakratarka možat być doktaram

Ciapier čytajuć

Inaŭhuracyju Łukašenki pastavili na Dzień Voli38

Inaŭhuracyju Łukašenki pastavili na Dzień Voli

Usie naviny →
Usie naviny

Vakalist makiedonskaha hurta DNK viarnuŭsia ŭ kłub i zahinuŭ u pažary, ratujučy svaich junych prychilnikaŭ2

Ekanamist Pavieł Danejka raskazaŭ, čamu zaniaŭsia johaj

U Biełarusi stała ŭ 11 razoŭ bolš aleniaŭ5

U Minsku startavaŭ siezon arendy elektrasamakataŭ. A što z cenami?

Biełaruskija siłaviki złamali rebry i chrybietnik komiku Astaninu padčas zatrymańnia ŭ Biełarusi25

Uzrost moładzi mohuć pavialičyć u Biełarusi da 35 hadoŭ6

Źjaviłasia VIDEA momantu avaryi, u jakoj paciarpieli šeść mašyn2

«Jak u Łondanie ci Madrydzie». U Breście budujuć niezvyčajny žyły kompleks z canoj mietra ad 4300 rubloŭ4

Zialenski płanuje ŭviečary pahavaryć z Trampam4

bolš čytanych navin
bolš łajkanych navin

Inaŭhuracyju Łukašenki pastavili na Dzień Voli38

Inaŭhuracyju Łukašenki pastavili na Dzień Voli

Hałoŭnaje
Usie naviny →

Zaŭvaha:

 

 

 

 

Zakryć Paviedamić