Prakuratura naličyła 30 miljonaŭ rubloŭ škody ad dziejnaści Nexta
Dziaržaŭnaje abvinavačvańnie abvieścić novaje abvinavačvańnie pa kryminalnaj spravie zasnavalnikaŭ telehram-kanała Nexta, paviedamlaje Sputnik.
Pa hetaj spravie prachodziać try abvinavačanyja: Raman Pratasievič, jaki prysutničaje ŭ sudzie, a taksama Ściapan Puciła i Jan Rudzik, ich sudziać zavočna, bo jany znachodziacca za miažoj.
Siońnia Minski abłasny sud praciahnuŭ razhlad spravy paśla pierapynku. Prakuror zajaviŭ chadajnictva, kab napisać novaje abvinavačvańnie.
Pratasievič nie pad vartaj, da jaho ŭžytaja miera strymańnia ŭ vyhladzie chatniaha aryštu.
Taksama padčas razmovy z žurnalistami Raman Pratasievič prakamientavaŭ mahčymuju ekstradycyju Safii Sapiehi ŭ Rasieju.
— Heta asabistaja sprava Safii i jaje siamji, kali jana tak choča adbyvać pakarańnie ŭ Rasiei. My ź joj užo daŭno nie kantačym i ničoha nie abmiarkoŭvali z hetaj nahody, — adznačyŭ Raman Pratasievič.
U sudzie znoŭ abvieščany pierapynak da 13 krasavika.
Sud pa hetaj spravie pačaŭsia 16 lutaha ŭ adkrytym farmacie, było začytanaje abvinavačvańnie Pratasieviču, prajšoŭ jaho dopyt u sudzie, pačali začytvać materyjały spravy i dopyt śviedak. Zatym častku spravy razhladali za začynienymi dźviaryma.
U sakaviku byŭ abvieščany pierapynak praz chvarobu Pratasieviča, zatym 20 sakavika sud adnaviŭsia.
Usim abvinavačanym vystaŭlenaje abvinavačańnie pa bolš čym 10 artykułach Kryminalnaha kodeksa. Akramia hetaha, Hienprakuraturaj Biełarusi ŭ intaresach dziaržavy zajaŭleny isk u pamiery bolš za 30 miljonaŭ rubloŭ.
Na sudzie pa spravie Nexta dapytali błohiera Maksima Puškina
Pratasieviču, Puciłu i Rudziku inkryminujecca nie mienš za 1586 złačynstvaŭ
Ciapier čytajuć
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary