Prezident Francyi Emanuel Makron źviarnuŭsia da staršyni KNR Si Czińpina ź mirnym płanam, jaki moža pryvieści da pieramovaŭ Ukrainy i Rasii. Pra heta piša Bloomberg.
Pa danych jaho krynic, Makron daŭ daručeńnie svajmu daradcu pa zamiežnaj palitycy Emanuelu Bonu prapracavać hetuju ideju z kiraŭnikom kancylaryi kamisii pa zamiežnych spravach CK kitajskaj Kampartyi Van I. Jany pavinny stvaryć strukturu, jakaja «moža być vykarystana ŭ jakaści asnovy dla budučych pieramovaŭ». Pry aptymistyčnym scenaryi pieramovy pamiž Rasijaj i Ukrainaj mohuć prajści ŭžo hetym letam, paviedamili surazmoŭcy Bloomberg.
Pradstaŭnik kancylaryi Makrona paćvierdziŭ ahienctvu płany Bona pahutaryć z Van I, ale nie raspavioŭ padrabiaznaściaŭ.
Piekin 24 lutaha pradstaviŭ ułasny mirny płan pa Ukrainie. Jon uklučaŭ spynieńnie vajennych dziejańniaŭ; adnaŭleńnie pieramovaŭ; supraćstajańnie pahrozie prymianieńnia jadziernaj, chimičnaj i bijałahičnaj zbroi; pavaha da suvierenitetu ŭsich krain; zachavańnie pryncypu, kali «biaśpieka adnoj krainy nie pavinna zabiaśpiečvacca za košt inšych».
Ciapier čytajuć
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu5
«Ja staŭ ščaślivy». Praca na budoŭli prynosić dobryja hrošy, a hramadskaja aktyŭnaść — maralnuju siłu. Były kalinoviec Kuś raskazaŭ pra toje, jak viarnuŭ unutranuju raŭnavahu
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje1010
Kamientary