Udzielnaja vaha vykananych daručeńniaŭ Łukašenki ŭ Biełarusi składaje amal 70%, bolš za 30% zastajucca niavykananymi. Takuju statystyku na sieminary ŭ Viciebsku nazvała načalnica Hałoŭnaha ŭpraŭleńnia arhanizacyjnaj pracy, kantrolu i źniešnich suviaziaŭ KDK Aksana Biełaviec.
«Udzielnaja vaha niavykananych daručeńniaŭ u cełym pa krainie pa ŭsich daručeńniach skłała za 2022 hod 31%. Heta šmat. U abłvykankamach hety pakazčyk značna horšy, u siarednim jon składaje 56%. U Viciebskim i Hrodzienskim abłvykankamach udzielnaja vaha niavykananych daručeńniaŭ składaje 57%. Što tyčycca daručeńniaŭ, jakija znachodziacca na kantroli KDK (heta daručeńni składanyja, stratehična važnyja), to tut pakazčyk niavykananych u siarednim składaje 46%. Pa Viciebskim abłvykankamie hetaja ličba vyšejšaja — 73%, a ŭ cełym pa ŭsich abłvykankamach jana nabližajecca da 70%», — raspaviała Aksana Biełaviec.
Namieśnik staršyni Kamiteta dziaržkantrolu Stanisłaŭ Narkievič na sieminary ŭ Viciebskaj vobłaści taksama zajaviŭ, što vypracavanaja «takaja sistema, jakaja vyklučaje nievykanańnie» daručeńniaŭ.
«Niedapuščalnyja rassłablenaść, biezynicyjatyŭnaść, biurakratyčnaja ciahanina ŭ realizacyi pastaŭlenych zadač. Adnak kantrolna-analityčnyja mierapryjemstvy pakazvajuć, što niaredka prablemy zamoŭčvajucca, rašeńni nie prapanujucca, a situacyja pierabolšvajecca. I pry pryniaćci kiraŭnickich rašeńniaŭ, asabliva ŭ biahučych umovach, vielmi važna atrymlivać ź miescaŭ dakładnuju i abjektyŭnuju infarmacyju», — skazaŭ jon.
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary