KDK zatrymaŭ słužbovych asob piaci kampanij, jakija zajmalisia pastaŭkami lekaŭ i miedabstalavańnia
Kamitet dziaržkantrolu zajaviŭ, što zatrymaŭ słužbovych asob piaci pryvatnych kampanij, jakija pastaŭlali miedycynskija i farmaceŭtyčnyja tavary va ŭstanovy achovy zdaroŭja. Kolkaść zatrymanych i nazvy kampanij pakul nie paviedamlajucca.
Pavodle KDK, rabotniki pryvatnych kampanij damaŭlalisia z zamiežnymi vytvorcami tavaraŭ ab ich pastaŭcy na terytoryju Respubliki Biełaruś na adras biełaruskich subjektaŭ haspadarańnia praz falšyvych pasrednikaŭ. Dakumientalna pastaŭka afarmlałasia praz padkantrolnyja zamiežnyja arhanizacyi. Tyja ž u svaju čarhu, pavialičvajučy canu na tavary pa asobnych pazicyjach u 4-5 razoŭ, realizoŭvali jaje biełaruskim kampanijam.
U vyniku roźnica ŭ cenach asiadała na rachunkach zamiežnych firmaŭ-pasrednikaŭ, padkantrolnych biełaruskim kampanijam.
Pryčynienaja dziaržavie škoda ŭ vyhladzie niavypłačanych padatkaŭ skłała bolš za 8,9 młn. rub, paviedamlaje KDK.
U dačynieńni da zasnavalnikaŭ i kiraŭnikoŭ kampanij raspačatyja kryminalnyja spravy.
Pry hetym dvoje ź fihurantaŭ byli zatrymanyja ŭ punkcie propusku «Łoša» pry sprobie vyjechać za miažu.
Padazravanyja dali pryznalnyja pakazańni i sadziejničajuć u rasśledavańni kryminalnych spraŭ, paviedamlaje KDK.
U padazravanych kanfiskavana bolš za 250 tys. dalaraŭ ZŠA i 55 tys. jeŭra. Na majomaść padazravanych, u tym liku abjekty nieruchomaści i aŭtamabili, nakładzieny aryšt.
Ciapier čytajuć
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ4
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3232
Kamientary