20 krasavika Siejm Łatvii ŭ dvuch čytańniach u terminovym paradku pryniaŭ zakon «Ab zabaronie praviadzieńnia asobnych publičnych mierapryjemstvaŭ 9 maja». Ciapier u Łatvii ŭ hety dzień buduć zabaronienyja lubyja publičnyja mierapryjemstvy, akramia źviazanych z Dniom Jeŭropy.
Raniej mierkavałasia, što Siejm prymie rašeńnie, zhodna ź jakim u hetym hodzie 9 maja budzie abvieščanaje Dniom pamiaci zahinułych i paciarpiełych u vajnie va Ukrainie. Adnak Kamisija pa pravach čałavieka i hramadskich spravach padrychtavała alternatyŭny prajekt, jaki i byŭ pryniaty ŭ terminovym paradku, paviedamlaje Delfi.lv.
Zhodna z anatacyjaj, meta zakona — abaranić intaresy dziaržavy i hramadstva, nie dapuścić biesparadkaŭ, abaranić zdaroŭje i maralnaść hramadstva. Akramia taho, zakon zaklikany nie dapuścić pahrozy i prynižeńnia kaštoŭnaściaŭ Łatvii jak demakratyčnaj i nacyjanalnaj dziaržavy, u tym liku raskołu hramadstva, prasłaŭleńnia vajny, vajennaj ahresii, tatalitaryzmu i hvałtu, a taksama skažonaha adlustravańnia histaryčnych padziej. Pastanova pryniataja taksama ŭ znak salidarnaści z narodam Ukrainy.
Zakon vyznačaje, što na ŭsioj terytoryi Łatvii 9 maja (na praciahu ŭsich sutak) i da 7-j hadziny ranicy 10 maja zabaroniena vykarystańnie piratechniki. U publičnaj prastory na adkrytym pavietry zabaronienaje praviadzieńnie śviatočnych i zabaŭlalnych mierapryjemstvaŭ, šeściaŭ, schodaŭ i pikietaŭ. Kali dla praviadzieńnia takich mierapryjemstvaŭ patrebny dazvoł ad samakiravańnia, to jano nie maje prava vydavać takija dazvoły.
Za novy zakon prahałasavali 79 deputataŭ.
Łatvija zabaraniła ŭjezd u krainu 35 hramadzianam Rasii. U tym liku Shaman, Nadziei Babkinaj i Alaksandru Maršału
Łatvija pavialičyć vydatki na abaronu: kraina zakupić ustanoŭki HIMARS i marskija rakiety
Łukašenkaŭski «biaźviz» uziaŭ čarhovuju vyšyniu — bolš za paŭmiljona čałaviek. Ale heta nie ŭnikalnyja naviedvalniki
Ciapier čytajuć
«Što, hrochnuć dziaciej Cichanoŭskaj, kab źviarnuli ŭvahu na maju prablemu?» Jak tupy kamientar aktyvista Dzianisa Daškieviča stvaryŭ jamu prablemy ŭ Polščy18
Kamientary