Raspytali ŭ pravaabaroncaŭ, što viadoma pra takija vypadki cisku na palitviaźniaŭ. Składana skazać, ci heta masavaja praktyka, ale ličby nie adzinkavyja.
Učora stała viadoma, što «chatnim chimikam» Michaiłu Hłuchoŭskamu (asudžany za pierakryćcio darohi la parku Čaluskincaŭ padčas šeścia na Kurapaty) i Dźmitryju Buramu (udzielniku pary niadzielnych maršaŭ) chočuć uzmacnić pakarańnie i zamianić na chimiju z nakiravańniem. Sud u Hłuchoŭskaha prajšoŭ učora, 20 krasavika, a ŭ Buraha budzie 27-ha.
Pravaabaroncy jurydyčnaj słužby «Viasny» kažuć, što kolkaść takich vypadkaŭ dakładna padličyć składana.
«Pa-pieršaje, my nie adrazu pačali asobna adsočvać uzmacnieńnie pakarańnia. Pa-druhoje, nie zaŭsiody blizkija palitviaźniaŭ ličać biaśpiečnym dzialicca infarmacyjaj z pravaabaroncami, choć, pa sutnaści, ciapier heta adziny sposab daviedacca pra represii ŭ Biełarusi.
Na kaniec 2021 hoda, kali palitviaźniaŭ było mienš za tysiaču i šmat chto ź ich tolki pačynaŭ adbyvać pakarańnie, nam viadoma było pra 6 vypadkaŭ uzmacnieńnia pakarańnia z chatniaj chimii na chimiju z nakiravańniem. Ale kožnyja niekalki miesiacaŭ my daviedvajemsia pra vypadki ŭzmacnieńnia palityčnym źniavolennym pakarańniaŭ tym ci inšym čynam.
Niadaŭna «Miedyjazona Biełaruś» naličyła kala 20 vypadkaŭ asudžeńnia tych, chto ŭ kałonijach, pa artykule 411, i my b uličvali hetyja vypadki taksama, bo navat kali čałavieku nie źmianili pakarańnie na bolš strohaje, to termin źniavoleńnia padaŭžajecca».
Pravaabaroncy dadajuć, što šmat kamu pry abmiežavańni voli skaračajuć čas znachodžańnia pa-za domam, ludziej u kałonijach źmiaščajuć u ŠIZA i pamiaškańni kamiernaha typu, i adčuvalnaja častka takich vypadkaŭ zastajecca nieviadomaj.
«Heta pracuje jak ryčah upłyvu na palityčnych źniavolenych i ich blizkich, bo ludzi bajacca navat havaryć pra toje, što adbyvajecca, bajacca stać «niazručnymi» sistemie (i atrymać za heta pakarańnie. — NN)», — dadajuć u «Viaśnie».
«Naša Niva» — bastyjon biełaruščyny
PADTRYMAĆCiapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»8
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary