Грамадства

Ці часта ўжо асуджаным палітвязням узмацняюць пакаранне?

Распыталі ў праваабаронцаў, што вядома пра такія выпадкі ціску на палітвязняў. Складана сказаць, ці гэта масавая практыка, але лічбы не адзінкавыя.


Учора стала вядома, што «хатнім хімікам» Міхаілу Глухоўскаму (асуджаны за перакрыццё дарогі ля парку Чалюскінцаў падчас шэсця на Курапаты) і Дзмітрыю Бураму (удзельніку пары нядзельных маршаў) хочуць узмацніць пакаранне і замяніць на хімію з накіраваннем. Суд у Глухоўскага прайшоў учора, 20 красавіка, а ў Бурага будзе 27-га.

Праваабаронцы юрыдычнай службы «Вясны» кажуць, што колькасць такіх выпадкаў дакладна падлічыць складана.

«Па-першае, мы не адразу пачалі асобна адсочваць узмацненне пакарання. Па-другое, не заўсёды блізкія палітвязняў лічаць бяспечным дзяліцца інфармацыяй з праваабаронцамі, хоць, па сутнасці, цяпер гэта адзіны спосаб даведацца пра рэпрэсіі ў Беларусі.

На канец 2021 года, калі палітвязняў было менш за тысячу і шмат хто з іх толькі пачынаў адбываць пакаранне, нам вядома было пра 6 выпадкаў узмацнення пакарання з хатняй хіміі на хімію з накіраваннем. Але кожныя некалькі месяцаў мы даведваемся пра выпадкі ўзмацнення палітычным зняволенным пакаранняў тым ці іншым чынам.

Нядаўна «Медыязона Беларусь» налічыла каля 20 выпадкаў асуджэння тых, хто ў калоніях, па артыкуле 411

, і мы б улічвалі гэтыя выпадкі таксама, бо нават калі чалавеку не змянілі пакаранне на больш строгае, то тэрмін зняволення падаўжаецца». 

Праваабаронцы дадаюць, што шмат каму пры абмежаванні волі скарачаюць час знаходжання па-за домам, людзей у калоніях змяшчаюць у ШІЗА і памяшканні камернага тыпу, і адчувальная частка такіх выпадкаў застаецца невядомай.

«Гэта працуе як рычаг уплыву на палітычных зняволеных і іх блізкіх, бо людзі баяцца нават гаварыць пра тое, што адбываецца, баяцца стаць «нязручнымі» сістэме (і атрымаць за гэта пакаранне. — НН)», — дадаюць у «Вясне».

«Наша Нiва» — бастыён беларушчыны

ПАДТРЫМАЦЬ

Каментары

Цяпер чытаюць

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Усе навіны →
Усе навіны

«Цяпер я здаю 41 кватэру ў Мінску і хачу вырасці да 100 кватэр». Беларус расказаў пра бізнэс на кароткатэрміновай арэндзе жылля31

У Пятрухіна на стрыме выбілі з рук тэлефон. Блогер абрынуўся на беларусаў Уроцлава37

Самы доўгі тралейбусны маршрут Мінска збіраюцца зрабіць яшчэ даўжэйшым

У мінскім метро расказалі, колькі часу займае паездка ад першай да апошняй станцыі

Кіраўнік МЗС Літвы пракаментаваў магчымасць змякчэння санкцый супраць Беларусі і яе ролю ў мірных перамовах6

Гіганцкі фантан працаваў сёння раніцай у Мінску

Памерла Ганна Садоўская — дзяячка польскай супольнасці ў Ваўкавыску1

«Лік ідзе на хвіліны, а сваякі павінны бегаць па вуліцы і шукаць мужчын». Ці павінна хуткая дапамога выносіць пацыента з кватэры?13

«Пад канвоем вывезлі нас з мяжы». Расійская блогерка расказала пра затрыманне мужа на беларускай мяжы праз падпіску5

больш чытаных навін
больш лайканых навін

Від на Каложскую царкву безнадзейна сапсаваны41

Від на Каложскую царкву безнадзейна сапсаваны

Галоўнае
Усе навіны →

Заўвага:

 

 

 

 

Закрыць Паведаміць