Čarha z 1000 vielikahruzaŭ na ŭjezd u Biełaruś sabrałasia pierad polskim punktam propusku «Kukuryki» (ź biełaruskaha boku «Kazłovičy»), paviedamlajuć polskija ŚMI.
Biahučy čas čakańnia z boku punkta «Kukuryki» składaje ažno 33 hadziny. Za minułuju 12-hadzinnuju źmienu (druhaja pałova čaćviarha 11 maja) u abodvuch napramkach było aformlena 249 hruzavikoŭ.
Na vyjezd ź Biełarusi ŭ polski bok pa stanie na 14:00 12 maja ŭ čarzie znachodzicca 15 fur.
Čerhi na miažy ŭtvarajucca z-za taho, što 9 maja kala mytnaha terminała «Karoščyn» pry pamiežnym punkcie «Kukuryki» pačałasia sankcyjanavanaja polskimi ŭładami akcyja pratestu polskich pieravozčykaŭ. Ich patrabavańni: zabaranić ujezd u Polšču rasijskim i biełaruskim paŭpryčepam i pryniać miery ŭ dačynieńni da transpartnych kampanij, jakija biełarusy i rasijanie stvaryli na terytoryi Polščy.
Dazvoł na praviadzieńnie akcyi byŭ vydadzieny polskimi ŭładami na pieryjad z 9 maja pa 9 červienia 2023 hoda.
Ciapier čytajuć
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu4
«Kab kupić dom, pracavała na narkazavodzie». Paśla 2020-ha biełaruska ź piaćciu dziećmi pierajechała ŭ Kanadu
«Adpraŭlali myć tualety i kidali ŭ ŠIZA». Susiedki raskazali pra abychodžańnie ŭ kałonii z eks-palitźniavolenaj Tamaraj Karavaj, jakaja paśla pamierła44
Kamientary