Apielacyjny sud Paryža ŭ sieradu pakinuŭ u sile prysud byłomu prezidentu Francyi Nikala Sarkazi pa spravie ab handli ŭpłyvam. Pra heta paviedamiła Agence France-Presse.
Pavodle infarmacyi ahienctva, palityku pryznačyli adzin hod realnaha turemnaha źniavoleńnia i dva hady pazbaŭleńnia voli ŭmoŭna.
U vieraśni 2021 hoda sud Paryža pryznaŭ 23-ha prezidenta Francyi vinavatym u niezakonnym finansavańni vybarčaj kampanii i prysudziŭ jaho da adnaho hoda pazbaŭleńnia voli. Sarkazi mieŭsia adbyvać termin pa-za turmoj i z elektronnym branzaletam.
Sud pryznaŭ, što Sarkazi padčas pieradvybarnaj kampanii ŭ 2007 hodzie pieravysiŭ limit vydatkaŭ, ustalavany zakonam. Zhodna z zajavaj suda, Sarkazi praciahvaŭ pravodzić mitynhi, kali patraciŭ bolš za 42 miljony jeŭra zamiest dapuščalnych 22 miljonaŭ jeŭra.
U sakaviku 2021 hoda Sarkazi byŭ asudžany da troch hadoŭ turemnaha terminu pavodle abvinavačańnia ŭ karupcyi i handli ŭpłyvam. Tady paviedamlałasia, što jon pavinien adbyć hod u turmie, a dva ŭmoŭna.
Kamientary
nie toje, što u nas