Bajden pahadziŭsia dapamahčy Ukrainie padrychtavać piłotaŭ dla F-16 — CNN
Prezident ZŠA Džo Bajden paviedamiŭ svaim kaleham pa G7, što jahonaja kraina padtrymaje sumiesnyja namahańni z sajuźnikami i partniorami, kab navučyć ukrainskich piłotaŭ kiravać samalotami čaćviortaha pakaleńnia, uklučajučy F-16, paviedamiŭ CNN vysokapastaŭleny čynoŭnik administracyi.
Pa słovach krynicy, navučańnie maje prachodzić całkam u Jeŭropie, ale ŭ im buduć udzielničać amierykanskija instruktary. Čynoŭnik vykazaŭ nadzieju, što heta pačniecca «ŭ najbližejšyja tydni» i skončycca ciaham niekalkich miesiacaŭ.
Pa słovach aficyjnych asob, rašeńnie padtrymać inicyjatyvu pa navučańni ŭkrainskich piłotaŭ było pryniata Bajdenam vielmi chutka paśla sustreč ź lidarami G7 u Chirasimie, dzie klučavoj temaj abmierkavańnia była tema F-16 dla Ukrainy. Raniej u hetym hodzie amierykanski prezident zajaŭlaŭ, što nie dumaje, što Ukrainie patrebnyja F-16.
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary