«Ja nikoli nie pierastavaŭ być viernym jamu». Makron nazvaŭ svoj lubimy futbolny kłub. I heta nie PSŽ
Prychilnik «Alimpik Marsiel» Emaniuel Makron adpraviŭ vinšavańnie ŭ hetuju piatnicu z nahody 30-hodździa pieramohi kłuba ŭ Lizie čempijonaŭ.
Makron, jaki naradziŭsia ŭ Amjenie, adsutničaŭ na jubilejnych uračystaściach, tamu dasłaŭ vinšavańnie.
«Ja chacieŭ skazać vam, što ja vielmi mocna dumaŭ pra vas. Pa-pieršaje, bo ŭ toj viečar, 30 hadoŭ tamu, vy prymusili mianie maryć i trapiatać, jak miljony inšych francuzaŭ, a nie tolki žycharoŭ Marsiela, — napisaŭ Emaniuel Makron. — Pa-druhoje, jak vy viedajecie, ja nikoli nie pierastavaŭ być viernym AM, i vy — mifičnaje pakaleńnie, jakoje dazvoliła atrymać hetuju jeŭrapiejskuju zorku i nazaŭždy stać pieršymi! Znoŭ i znoŭ!»
26 maja 1993 hoda «Alimpik Marsiel» vyjhraŭ u finale ŭ «Miłana» ź likam 1:0. Adziny hoł zabiŭ Bazil Bali. Marsielcy stali pieršymi i pakul adzinymi ŭ historyi francuzskaha futboła pieramožcami hetaha turniru, Dzidźje Dešam — samym maładym kapitanam kamandy, jakaja vyjhrała Kubak čempijonaŭ, a Fabjen Bartez — samym junym hałkipieram z tych, chto pieramahaŭ u turniry.
Apošni raz «Marsiel», dzieviacirazovy čempijon Francyi, zavajoŭvaŭ załatyja miedali čempijanatu krainy ŭ 2010 hodzie. Zaraz u čempijanacie kłub idzie na trecim miescy.
Ciapier čytajuć
Małady rabotnik «Minsk-Areny» pavinien zapłacić 71 miljon dalaraŭ7
Małady rabotnik «Minsk-Areny» pavinien zapłacić 71 miljon dalaraŭ
«Darahija, viesialiciesia, hulajcie i kuraleście. Niachaj na staraść u vas budzie zapas dobrych pieražyvańniaŭ». Apošni hod Śviatłany Kurs — u jaje dopisach1111
Kamientary