Pucin u kursie, ale rabić zajavy nakont maštabnaj ataki dronaŭ na Maskvu nie budzie — Piaskoŭ
Minabarony spracavała dobra, SPA taksama, adkazny za ataku «kijeŭski režym», Rasii varta praciahvać bajavyja dziejańni va Ukrainie, tak pres-sakratar Kramla Dźmitryj Piaskoŭ prakamientavaŭ načnuju ataku dronaŭ na Maskvu i Padmaskoŭje.
«Całkam zrazumieła, što havorka idzie ab dziejańniach u adkaz kijeŭskaha režymu na našy vielmi efiektyŭnyja ŭdary pa adnym z centraŭ pryniaćcia rašeńniaŭ. Hety ŭdar mieŭ miesca ŭ niadzielu», — zajaviŭ pres-sakratar Pucina. Ale jon nie nazvaŭ, pra jaki «centr pryniaćcia rašeńniaŭ» idzie havorka.
Pa słovach Piaskova, Uładzimir Pucin z samaj ranicy atrymlivaŭ infarmacyju ab atacy ad Minabarony, adpaviednych viedamstvaŭ, MNS i kiraŭnikoŭ horada i vobłaści.
Pucin nie płanuje vystupać sa zvarotam paśla ataki BPŁA, siońnia ŭ jaho zapłanavanaja sustreča z pradprymalnikami, jak paviedamiŭ Piaskoŭ.
Jon admoviŭsia kamientavać pytańni ab abaronienaści stalicy i ab celach dronaŭ, jakija zvalilisia ŭ rajonie Rubloŭki.
Piaskova taksama spytali, ci chvaluje Kreml, što rasijanie paśla pačatku bajavych dziejańniaŭ padviarhajucca takoj niebiaśpiecy, jak ataki bieśpiłotnikaŭ, abstreły Biełharodskaj vobłaści i napady dyviersijnych hrup. Na dumku pres-sakratara, hetyja incydenty lišni raz demanstrujuć «nieabchodnaść praciahu śpiecyjalnaj vajennaj apieracyi i dasiahnieńnia pastaŭlenych metaŭ».
Siońnia Maskva i Padmaskoŭje zaznali samuju maštabnuju ataku dronaŭ z pačatku vajny va Ukrainie.
Ukraina tradycyjna nie paćviardžaje svaju datyčnaść da dyviersij na terytoryi Rasii.
-
USU spalili naftapierapracoŭčy zavod u Krasnadarskim krai
-
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ
-
U druz. Źjaviłasia fota nastupstvaŭ udaru «Fłaminha» pa zavodzie ŭ Vałhahradzie, dzie mohuć vyrablać «Arešnik»
Ciapier čytajuć
«Nas u hrupie było 240. U pałonie — siamiora. Astatnija dvuchsotyja». Andrej ź Viciebska, toj samy čałaviek-adkryvačka staŭ adnym ź siami ščaśliŭcaŭ1515
Kamientary