U Drazdach na prodaž vystavili novy dom za try miljony dalaraŭ. Što ŭ im?
U bazie Realt źjaviłasia cikavaja abjava. Dom znachodzicca ŭ Siomkaŭskim zavułku pobač z vadaschoviščam Drazdy i zialonaj zonaj. Pablizu znachodzicca biznes-centr Helen&Valery Plaza, jaki ŭviali ŭ ekspłuatacyju ŭ pačatku hetaha hoda, i Pałac mastackaj himnastyki.
U katedžy kala 300 «kvadrataŭ» ahulnaj płoščy, 200 — žyłyja. Heta ŭsio adzin pavierch.
Dom pabudavali ŭ 2023 hodzie, i jon całkam hatovy da pražyvańnia. U azdableńni doma vykarystana dekaratyŭnaja tynkoŭka Ottocento Oikos, amierykanskaja farba Benjomin Moore, italjanskaja plitka i mebla elitnaha italjanskaha brenda Visionnaire.
U abjavie mała infarmacyi pra abjekt, tamu zastajecca tolki razhladać fatahrafii.
U haścinaj, sumieščanaj z kuchniaj, panaramnyja vokny i vielmi vysokija stoli.
Na zdymkach možna razhledzieć jak minimum dva sanvuzły. U ich ustanoŭleny vanny. Jość vialikija vokny.
Tak vyhladaje spalnia.
Jašče adzin pakoj pakul što biez mebli.
U manalitna-karkasnym domie centralnaje aciapleńnie, elektrazabieśpiačeńnie, vodapravod i kanalizacyja. Učastak — 15 sotak.
Jość videanazirańnie i sistema «razumny dom».
Za dom prosiać kala 3 młn dalaraŭ.
Pad Minskam pradajecca stylnaja dača z brusa i ź interjeram, jak u Pinterest. Cana — jak u dvuchpakajoŭki
U centry Minska pradajuć chatu, jakoj bolš za 100 hadoŭ
U domie dla elity BSSR u Minsku pradajuć kvateru — tam zachavałasia navat savieckaje bide
Za kolki kuplajuć kvatery ŭ elitnym novym kvartale kala płoščy Pieramohi?
Prakurorski načalnik aburyŭsia nieabhruntavanymi zatrymańniami biełarusaŭ8
Kamientary
Inšaja sprava, što tam tak kraści nie atrymajecca.
A dyzajn vielmi nia vielmi, niepryvabny karaciej kažučy.