Łukašenkaŭski pradstaŭnik pry AAN paskardziŭsia: Nas nie vybrali ŭ Radu Biaśpieki, bo na krainy cisnuŭ kalektyŭny Zachad
Biełaruś nie vybrali ŭ Radu Biaśpieki AAN. Miesca niepastajannaha siabra zamiest hetaha zaniała Słavienija. Łukašenkaŭski pradstaŭnik Biełarusi ŭ AAN znajšoŭ aryhinalnaje tłumačeńnie.
«My rasčaravanyja vynikami vybaraŭ. Usia naša pieradvybarčaja kampanija adbyvałasia ŭ nadzvyčaj składanych umovach, pad vielmi vialikim ciskam z boku kalektyŭnaha Zachadu. My absalutna dakładna viedajem fakty prymusu da hałasavańnia za Słavieniju. Kankretnaj krainie havaryłasia: kali vy prahałasujecie za Biełaruś, my całkam adrežam finansavańnie na prajekty raźvićcia, pa linii techničnaj dapamohi i hetak dalej», — prydumaŭ apraŭdańnie pastajanny pradstaŭnik Biełarusi ŭ AAN Valancin Rybakoŭ.
Pavodle jaho słoŭ, Biełaruś taksama nibyta aktyŭna ŭhavorvali na lubym z etapaŭ źniać svaju kandydaturu na karyść Słavienii.
Jon dadaŭ, što režym Łukašenki praciahnie trymacca svaich pazicyj, choć ich i nie padtrymlivajuć usie dziaržavy.
Ale Rybakoŭ znajšoŭ i plusy.
«Navat kali kraina hałasavała suprać Biełarusi, tam usio roŭna ŭźnikła ŭstojlivaje razumieńnie, što heta adbyvajecca nasupierak suvierennamu žadańniu hetaj kankretnaj dziaržavy, suprać jaje voli», — pierakonvaje jon
Pavodle jaho słoŭ, paśla vybaraŭ pasły šerahu krain padychodzili i ŭ asabistych razmovach «vinšavali z tym, jak Biełaruś praviała svaju vybarnuju kampaniju, dziakavali za atrymanuju infarmacyju i zyčyli pośpiechaŭ u dalejšaj dziejnaści ŭ AAN».
Ciapier čytajuć
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2121
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ21
«Hienierał Biada vylecieŭ praz bakavoje škło «Čajki». Małaviadomaja avaryja 1976 hoda, u jakoj zahinuli druhi čałaviek u BSSR i bajavy lotčyk-hienierał33
Kamientary