Apieracyja prachodziła pad ahulnym narkozam, doŭžyłasia try hadziny i prajšła biez uskładnieńniaŭ. Pantyfik užo znachodzicca ŭ siabie ŭ pałacie.
86-hadovamu Papu Rymskamu Francišku ŭ sieradu dniom paśpiachova praviali apieracyju pa vydaleńni kiły ŭ balnicy Džemieli ŭ Rymie, jak piša Bi-bi-si.
Jak paviedamiŭ Vatykan, apieracyja prachodziła pad ahulnym narkozam, doŭžyłasia try hadziny i prajšła biez uskładnieńniaŭ. Pantyfik užo znachodzicca ŭ siabie ŭ pałacie.
Pa słovach aficyjnaha pradstaŭnika Vatykana Matea Bruni, kiła vyklikała boli, tamu daktary pryniali rašeńnie vydalić jaje.
«Znachodžańnie ŭ miedycynskaj ustanovie budzie doŭžycca niekalki dzion, kab zabiaśpiečyć narmalnaje paślaapieracyjnaje adnaŭleńnie», — dadaŭ Bruni.
U apošnija hady pantyfik sutyknuŭsia z šeraham prablem sa zdaroŭjem i vykarystoŭvaje kij i invalidny vazok praz pastajanny bol u kalenie.
U aŭtorak Papa naviedaŭ hetuju ž rymskuju balnicu dla płanavaha ahladu.
U sakaviku jon pravioŭ try dni ŭ balnicy dla lačeńnia lohačnaj infiekcyi, a ŭ 2021 hodzie pravioŭ 10 dzion u balnicy paśla taho, jak jamu vydalili častku toŭstaj kiški.
U minułym miesiacy pantyfik admoviŭsia ad svajoj piatničnaj aŭdyjencyi praz pavyšanuju tempieraturu.
Ale niahledziačy na prablemy sa zdaroŭjem, u Papy pa-raniejšamu ščylny hrafik, i ŭ žniŭni jon pavinien naviedać Partuhaliju i Manholiju.
«Vy kirujecie Kaściołam nie kalenam, a hałavoj», — skazaŭ pantyfik letaś, adkinuŭšy mahčymaść pakidańnia pasady.
Ciapier čytajuć
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»23
Cichanoŭskaja: Pieramieny ŭ Biełarusi — heta pytańnie času. Voś asnoŭnyja tezisy jaje vystupu na kanfierencyi «Novaja Biełaruś»
DDoS-ataka idzie na sajty adrazu niekalkich biełaruskich ŚMI. Mahčyma, jana źviazanaja z šostaj hadavinaj narodnaha ŭzdymu 2020‑ha i kanfierencyjaj «Novaja Biełaruś», što adkryłasia siońnia66
Kamientary
letaś - heta kali jaho zaprašała Ukraina pryjechać, ale jon nie zmoh z-za bolu ŭ kalenie? ale bol u kalenie nie pieraškodziła naviedać źjezd u Kazachstanie, dzie prysutničaŭ pradstaŭnik rpc i vieniamin