Safija Sapieha pra adnosiny z Pratasievičam: Ja b nie nazvała heta kachańniem
Vyzvalennaja ŭčora pa pamiłavańni Safija Sapieha prakamientavała «Komsomolskoj pravdie» svajo vyzvaleńnie, staŭleńnie da Pratasieviča i padzialiłasia płanami na budučyniu.
U kamientary vydańniu jana zaznačyła, što choča pravieści niejki čas sa svajoj siamjoj.
«Chaču adnavić siabie. I ŭžo paśla, sapraŭdy, zadumacca nad tym, jak dalej budavać svajo žyćcio», — skazała jana.
Pa jaje słovach, ciažka skazać, kolki heta zojmie času: nie bolš za paŭhoda, a moža i dva miesiacy.
«Nie chočacca hublać ni chviliny. Čas sa svajoj siamjoj, z tymi, chto ciabie lubić. I kaho lubiš ty. Z kim nie było mahčymaści pabačycca dosyć doŭhi čas. Voś heta voś — samaje važnaje».
Safija skazała, što ŭ jaje nie było ŭ Homielskaj kałonii spatkańniaŭ z rodnymi.
Spytali žurnalisty ŭ jaje i pra stasunki z Ramanam Pratasievičam.
«Papraŭdzie ja, vidać, zrablu… bolš pravilna, kali… ničoha nie skažu pra hetaha čałavieka. Prosta pažadaju jamu pražyć hetaje žyćcio hodna. I na hetym, dumaju, usio…» — padbirajučy słovy adkazała dziaŭčyna.
— Vy byli — prabačcie za takoje nietaktoŭnaje pytańnie — u jaho zakachanyja?
— Ja b nie skazała tak. Ja b nie nazvała heta kachańniem.
Safiju Sapiehu vyzvalili ŭčora paśla pamiłavańnia Łukašenkam. Jaje zabraŭ z Homielskaj kałonii hubiernatar Prymorskaha kraja Aleh Kažamiaka.
Safija Sapieha razam z Ramanam Pratasievičam byli zatrymanyja 23 maja ŭ vyniku prymusovaj pasadki ŭ Minsku samalota Ryanair rejsam Afiny — Vilnia.
6 maja 2022 hoda Sapiehu asudzili da šaści hadoŭ kałonii. Sud pryznaŭ jaje vinavataj u raspalvańni sacyjalnaj varožaści, źlivie danych siłavikoŭ (sprava «Čornaj knihi Biełarusi»).
Raman Pratasievič byŭ asudžany 3 maja 2023 hoda na 8 hadoŭ kałonii ŭzmocnienaha režymu pa spravie Nexta. 22 maja jon byŭ pamiłavany.
Učora stała viadoma, što Raman Pratasievič paśpieŭ nie tolki ažanicca padčas śledstva, ale i stać baćkam.
Kaho i čamu zdaŭ Raman Pratasievič. Heta historyja pra toje, jak adno fota moža źmianić usio žyćcio. Mnoha žyćciaŭ
Pratasievič pryjšoŭ na intervju na kanał Sałaŭjova. U jaho spytali, ci zabiŭ by jon Puciłu
Pratasievič daŭ pakazańni na Safiju Sapiehu — «Baza»
«Šalona ŭdziačny krainie i asabista prezidentu». Raman Pratasievič pamiłavany
Ciapier čytajuć
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?20
Što viadoma pra 18‑hadovuju biaspraŭnicu Dzijanu, jakaja razam z dvuma siabrami raźbiłasia ŭnačy ŭ Vilejskim rajonie?
«Paśla pieršaha zabojstva ź im raźviałasia žonka». Što viadoma pra šmatdzietnaha Siarhieja sa Stolinskaha rajona, jaki paśla vyzvaleńnia z kałonii zabiŭ troch čałaviek33
Kamientary
Mnie užie mnoho let, no byvajet mienia načinajet stydiť kakaja-to babka. Ja smotriu na nieje i dumaju, a kakoj smysł žiźni u etoho čiełovieka? Po mojemu hłubokomu ubieždieniju moralizatory jesť samyje, skažiem tak, svobodnyje ot morali ludi..
Takoje vpiečatlenije, čto ludi živut nie svoju žizń. Spletničajut po pričinie toho, čto svojej niet."