«Destruktyŭnyja dziejańni režymu Łukašenki ŭnutry i za miežami Biełarusi niasuć nadzvyčajnuju pahrozu nacyjanalnaj biaśpiecy ZŠA».
Prezident ZŠA Džo Bajden padpisaŭ ukaz ab pradaŭžeńni terminu dziejańnia sankcyj suprać Biełarusi jašče na adzin hod. Ab adpaviednym rašeńni Bajden apaviaściŭ amierykanski Kanhres 12 červienia.
Ciapierašni termin dziejańnia sankcyj ZŠA ŭ dačynieńni da Biełarusi pavinien byŭ skončycca 16 červienia hetaha hoda, ale zhodna z novym ukazam sankcyi praciahnuć dziejničać da 16 červienia nastupnaha hoda.
Svajo rašeńnie Bajden arhumientavaŭ «bieśpierapynnymi destruktyŭnymi pavodzinami režymu Łukašenki i jaho złoŭžyvańniami mižnarodnaj biaśpiekaj, jakija niasuć niepasrednuju i nadzvyčajnuju pahrozu Złučanym Štatam».
«Jašče ŭ 2006 hodzie ZŠA pačali zmahacca z pahrozaj svajoj nacyjanalnaj biaśpiecy, jakaja zychodzić ad režymu Łukašenki. Z taho času situacyja ŭ Biełarusi surjozna pahoršała: biełaruski režym rujnuje hramadzianskuju supolnaść i luboje inšadumstva, parušaje pravy čałavieka, złoŭžyvaje dziaržaŭnaj uładaj, kradzie vybary, zaachvočvaje karupcyju, pahražaje mižnarodnym avijapieravozkam i źjaŭlajecca adkaznym za niezakonnyja masavyja palityčnyja represii, aryšty, źniknieńnie ludziej.
Takaja palityka režymu Łukašenki niasie niepasrednuju i nadzvyčajnuju pahrozu biaśpiecy ZŠA, tamu ja vyrašyŭ pradoŭžyć termin dziejańnia sankcyj u dačynieńni da Biełarusi jašče na adzin hod», — napisaŭ prezident Bajden u adras Kanhresa ZŠA.
Nahadajem, što jašče ŭ mai ZŠA ŭviali maštabnyja abmiežavańni na ŭvoz svajoj pradukcyi ŭ Biełaruś i Rasiju. Zabarona raspaŭsiudžvajecca na 1200 pazicyj tavaraŭ roznaha typu.
Čytajcie taksama:
Biełaruś nie vybrali ŭ Radu Biaśpieki AAN
Mižnarodnaja arhanizacyja pracy padtrymała rezalucyju ab pierahladzie adnosin ź Biełaruśsiu
U Vilni abmiarkoŭvajuć, jak pryciahnuć Łukašenku da adkaznaści ŭ miežach mižnarodnaha pravasudździa
Ciapier čytajuć
Žančynie, jakaja vyhuknuła ŭ fiłarmonii «Słava Ukrainie!», dali 20 sutak13
Žančynie, jakaja vyhuknuła ŭ fiłarmonii «Słava Ukrainie!», dali 20 sutak
«Z maskalom havary, da kamień za pazuchaju dziaržy». My daviedvajemsia ŭsio bolš novaha pra Kastusia Kalinoŭskaha — palityka, jakoha ciapier nie chapaje3333
Kamientary