Na sustrečy z delehacyjaj krain Afryki Uładzimir Pucin pakazaŭ prajekt «Damovy ab pastajannym niejtralitecie i harantyjach biaśpieki Ukrainy», padrychtavany ŭ sakaviku 2022 hoda ŭ Stambule. Jaho padpisańnie, pa słovach prezidenta RF, było sarvanaje Ukrainaj.
Pavodle Pucina, dakumient składaŭsia z 18 artykułaŭ, a ŭ dadatku nibyta byŭ vyznačany maksimalny pamier ukrainskaj armii. Taksama ŭ im byli paznačanyja ŭ jakaści harantaŭ biaśpieki dla Ukrainy Vialikabrytanija, Kitaj, ZŠA, Turcyja, Francyja i Biełaruś.
Na stambulskich pieramovach nibyta taksama abmiarkoŭvałasia kolkaść asabovaha składu i ŭzbrajeńniaŭ Uzbrojenych sił Ukrainy. Tut rasijskija i ŭkrainskija pazicyi adroźnivajucca ŭ razy.
Na tytulnym liście paznačana, što prajekt składzieny pa stanie na 13 krasavika — praz dva tydni paśla adstupleńnia rasijskich vojskaŭ z-pad Kijeva. Inšymi słovami, jano dakładna nie adbyłosia ŭ ramkach hetaj damovy.
Taksama heta zdaryłasia ŭžo paśla taho, jak stała viadoma pra masavyja zabojstvy mirnych žycharoŭ u Bučy (Rasija ich nazyvaje fejkam i admaŭlaje), što Ukraina nazvała pryčynaj spynieńnia pieramovaŭ z RF.
Ułady Ukrainy sapraŭdnaść dakumienta nie paćvierdzili.
Ciapier čytajuć
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»16
Siostry Hruździevy dramatyčna raskazali, jak ich vykinuŭ za dźviery ministr kultury Rusłan Čarniecki. «Jak sabak»
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi22
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi2
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2727
Kamientary