«Inviestar źbieh». Staŭ viadomy los vialikaha niedabudavanaha HZC u Kamiennaj Horcy
Horad pryniaŭ rašeńnie zabrać u inviestara niedabudavany HZC «Miehapark» u Kamiennaj Horcy, pra heta paviedamiła pieršaja namieśnica staršyni Minharvykankama Nadzieja Łazarevič. Realt.by raskazvaje, što heta za HZC i što ź im moža być dalej.
HZC «Miehapark» znachodzicca na skryžavańni Kazimiraŭskaj i Kamiennahorskaj. Jaho pačali budavać pa inviestdahavoru jašče ŭ 2012 hodzie, ale ŭsio išło ź pieramiennym pośpiecham.
Pieršapačatkova jaho płanavali adkryć u 2017 hodzie, ale potym adkryćcio pieranieśli na 2020 hod.
U płanach byŭ vialiki i sučasny HZC ź ladovaj arenaj i kinateatram. Budynak u vyniku amal dabudavali, ale pracy spynilisia. U takim vyhladzie HZC staić užo niekalki hadoŭ.
Zamoŭcam budaŭnictva było TAA «Vinterainviest» z zamiežnym kapitałam. Pa słovach Nadziei Łazarevič, zamiežny inviestar źbieh.
— Tamu horad zabiraje «Miehapark» i budzie dabudoŭvać jaho sam, kali nie znojdziecca novy inviestar. Ciapier my čakajem rašeńnia suda, kab vykanać vyznačanuju zakonam praceduru pa pieradačy niedabudavanych abjektaŭ horadu. I budaŭničyja raboty płanujem adnavić u 2024 hodzie, kali ŭrehulujucca ŭsie sudovyja pytańni.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary