U Chabaraŭskim krai adbyŭsia zamach na hienierała, jaki kamandavaŭ raźnioju ŭ Bučy
28 krasavika ŭ vajskovym harnizonie Chabaraŭskaha kraju adbyŭsia vybuch. Rasijskija ŭłady adrazu zasakrecili infarmacyju pra incydent, piša kanał VČK-OHPU.
VČK-OHPU stała viadoma pra terakt, jaki 28 krasavika adbyŭsia ŭ vajskovym harnizonie, raźmieščanym u siale Kniazie-Vałkonskaje-1 u Chabaraŭskim krai. Metaj vybuchu byŭ hienierał-major Azatbiek Amurbiekaŭ, jaki kamandavaŭ rasijskimi vojskami ŭ Bučy.
Pavodle krynic kanała, bomba była zakładziena ŭ paštovuju skryniu na leśvičnaj placoŭcy doma 55.
Adzin čałaviek zahinuŭ, jašče niekalki čałaviek atrymali ranieńni. Asabovy skład byŭ padniaty pa tryvozie.
Pavodle danych prajekta, vybuch byŭ nakiravany suprać hienierała Azatbieka Amurbiekava, jaki z 2023 hoda źjaŭlajecca načalnikam 392‑ha Akruhovaha vučebnaha centra padrychtoŭki małodšych śpiecyjalistaŭ Uschodniaj vajennaj akruhi.
U 2022 hodzie Amurbiekaŭ uznačalvaŭ 64‑iu asobnuju motastrałkovuju bryhadu, jakaja dziejničała ŭ Bučy.
Na miescy vybuchu zahinuŭ kamandzir bataljona vučebnaj suviazi padpałkoŭnik Kuźmienka. Akramia taho, jość paranienyja. Pra stan Amurbiekava pakul nie viadoma.
Kamientary
Prosta nahadaju što Izrail znajšoŭ, zabiŭ, albo mocna pakalečyŭ byłych SSaŭskich aficeraŭ i žaŭnieraŭ što adznačylisia na słužbie. Tych kaho nie atrymałasia ź pieršaha razu zabić/pakalečyć - druhi/treci raz padryvali, da poŭnaj invalidyzacyi/zabićcia.
Toje ž čakaje Z-tnikaŭ i inšych sajuznych łukašystaŭ. Śpisy jość, fatazdymki jość, usie chady zapisany. Ziamla budzie hareć pad nahami ažno da spraviadlivaj ŭtylizacyi.