«Žyćcio — štuka cikavaja, adnak». Zorka biełaruskaha handboła naniaŭsia fatohrafam, kab zdymać ulubionuju mnohimi biełaruskuju śpiavačku
U instahramie handbalista partuhalskaj «Bienfiki» Mikity Vajłupava źjaviŭsia niezvyčajny dla topavych spartoŭcaŭ zapis.
«Byŭ na kancercie @repolinare ŭ Lisabonie nie tolki ŭ roli słuchača, ale i ŭ roli naniataha fatohrafa, kab zafiksavać hety vystup! — napisaŭ handbalist Mikita Vajłupaŭ u siabie ŭ instahramie.
— Kruta, pryjemnaja śpiavačka, znajomyja miełodyi, ciopłaja i nie napružnaja atmaśfiera, było adno zadavalnieńnie słuchać i pracavać adnačasova! Kancert, biezumoŭna, udaŭsia!
Žyćcio — štuka cikavaja, adnak…»
30‑hadovy Mikita Vajłupaŭ naradziŭsia ŭ Viciebsku, a hulaŭ u staličnym SKA, paśla ŭ kłubie imia Miaškova ŭ Bieraści, paśla — u Vienhryi, u «Vespremie». Z 2025 hoda jon praciahvaje karjeru ŭ partuhalskaj «Bienficy».
Vajłupaŭ byŭ adnym ź niešmatlikich biełaruskich spartoŭcaŭ top-kłasa, jaki ŭ dzień napadu Rasii na Ukrainu mieŭ śmiełaść zaklikać spynić vajnu.
Mikita Vajłupaŭ viadomy nie tolki jak spartoviec, ale i jak mastak. Jaho tvory, napisanyja ŭ abstraktnym styli, vystaŭlalisia ŭ biełaruskich halerejach i, što niemałavažna, pradavalisia.
32‑hadovaja Palina, jakuju da 2018 hoda viedali pad jaje junackim psieŭdanimam Palina Respublika, vypraviłasia ŭ vialiki tur pa Jeŭropie. 3 maja jana śpiavaćmie ŭ Amsterdamie, 8 maja — u Paryžy, a 10 maja — u Jerevanie.
Darečy, nahadajcie sabie jaje pieśniu «Jak ty?», za jakuju jaje palubili mnohija. I jakaja paśla 2020‑ha ŭsprymajecca jak prarockaja.
U 2024 hodzie ŭ žyćci Palina zdaryłasia strašnaja asabistaja trahiedyja: u aŭtakatastrofie 18‑hadovym zahinuŭ jaje małodšy brat — talenavity futbalist Chviedar Pałaniejčyk. Śpiavačka apublikavała pra jaho kranalny ŭspamin.
Śpiavačka PALINA apublikavała kranalny post pra svajho 18‑hadovaha brata, jaki zahinuŭ u DTZ
Biełaruski handbalist nie moža hulać u partuhalskim kłubie praz prablemy z dakumientami
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
Rasijskija prapahandysty vydumali ŭdar drona pa turystyčnym aŭtobusie. Ale ŭ historyi jość zahadkavyja fury6
Kamientary