Jak «panajechaŭšy» rasijanin skaryŭ u instahramie biełarusaŭ. Jaho łajknuła navat pazašlubnaja dačka Łukašenki
Post pahladzieli za sutki bolš za miljon razoŭ.
Rasijanin, jaki žyvie na niekalki haradoŭ, u tym liku i ŭ Minsku, apublikavaŭ humarystyčny post, u jakim zdoleŭ pakazać siabie svaim chłopcam. Biełarusy, jakija zvyčajna nie chavajuć u sacsietkach abureńnia pavodzinami pryjezdžych rasijan i prosiać tych albo pavodzić siabie bolš pavažliva, albo nie pryjazdžać naohuł, hetym razam pachvalili błohiera.
Rasijski režysior Mikita Janušpolski apublikavaŭ žartaŭlivy apovied pra toje, jak paśla atrymańnia dazvołu na žycharstva ŭ Biełarusi jon sam pakrysie stanovicca ŭ niečym biełarusam. Pierajšoŭšy na trasianku, jon naohuł dadaje, što jaho siabram z Rasii niama čaho tut rabić — «Biełaruś nie humovaja!»
«A ja vot v Biełaruś pieriejechał — kartočki Visa na rabotie połučił, intiernietom biez VPN polzujuś.
I moskovskije druźja mienia sprašivajut: «A kak by i nam tak sdiełať? My tožie chotim»…
I ja snačała hovoriu: «Riebiata, koniečno, prijezžajtie, čiem smohu — pomohu».
A včiera riehistraciju połučił i dumaju: «Bač! Niama čaho vam tut rabić, nachlebniki. Biełaruś nie humovaja!»
Ironija nad maskoŭskim snabisckim vyrazam «Maskva nie humovaja», «lusterkavaja» situacyja, dzie ŭžo maskvič jedzie za «lepšym žyćciom» u Minsk, a taksama trasianka i pačućcio humaru zrabili svaju spravu.
Vynik — bolš za miljon prahladaŭ i bolš za 30 tysiač łajkaŭ, siarod jakich i padabajka ad Kryściny Mocnaj — pazašlubnaj dački Alaksandra Łukašenki.
Kamientatary strymana chvalać rasijanina.
«Ty na viernym šlachu. Tym, chto pavažaje krainu, paradak i kulturu, tut zaŭsiody rady. Niezaležna ad nacyjanalnaści».
«Trasianka. Pryjdzie čas — zusim abiełarusicca».
«Patrebny jašče test na «ščučynščynu».
«Zdarovaja reakcyja! Žyć i navat pryjazdžać u hości treba z pavahaj».
«Niama roźnicy, na jakoj movie i jak razmaŭlaje ADEKVATNY čałaviek».
«Ja pracuju na fury, abjeździŭ usie krainy SND, i Biełaruś — samaja krutaja kraina!!!»
Ciapier čytajuć
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»7
Deputat Kliševič staŭ kandydatam histaryčnych navuk z dysiertacyjaj pra razłažeńnie biełaruskaha kamsamoła ŭ časy «pierabudovy»
Najbujniejšaj u śviecie fan-supolnaściu Łedzi Hahi kiruje chłopiec ź Minska, jaki adsiedzieŭ za pratesty. Rasijanie paśpiašalisia zapisać jaho ŭ svaje1616
Kamientary
Otto fon Bismark.