HUR raskryła detali ŭnikalnaj śpiecapieracyi: u «Achmat» ukaranili ahienta
Dziakujučy pastaŭlenym žučkam, ukraincy doŭhi čas słuchali ŭsie razmovy ŭ štabie kadyraŭcaŭ. Tamu jany nie tolki viedali ŭsie płany apieracyj na Sumskim kirunku, ale i atrymali kaštoŭnaje razumieńnie «ŭnutranki».
HUR paviedamiła pra paśpiachovaje zaviaršeńnie apieracyi ŭ rasijskim padraździaleńni «Achmat», jakaja pravodziłasia na sumskim kirunku ŭ pieryjad ź lutaha pa krasavik 2026 hoda.
Klučavuju rolu ŭ apieracyi adyhraŭ ahient — ukraincy śćviardžajuć, što heta były vajskoviec «Achmata», jaki pierajšoŭ na ŭkrainski bok.
Ukraincy z dapamohaj FPV-drona pieradali za liniju frontu pryładu dla prasłuchoŭvańnia, jakuju ahient zmoh ustalavać niepasredna ŭ pamiaškańni dla naradaŭ kadyraŭskaha padraździaleńnia.
Heta dazvoliła apieratyŭnikam HUR zapisvać razmovy ŭsiaho kamandnaha składu «Achmat» i atrymlivać usiu infarmacyju pra ich płany i pieramiaščeńni.
Dziakujučy vysokaj infarmavanaści, ukraincy nanosili prycelnyja ŭdary pa čačencach.
Za dva miesiacy «Achmat» panios najbujniejšyja straty z pačatku poŭnamasštabnaha ŭvarvańnia: HUR paviedamlaje pra 41 zabitaha i 87 paranienych, jašče bolš za sotniu bajcoŭ ličacca źnikłymi bieź viestak.
Akramia žyvoj siły, była źniščana i paškodžana značnaja kolkaść techniki — bolš za 160 adzinak braniravanaha i aŭtamabilnaha transpartu, zvyš 25 bieśpiłotnikaŭ, a taksama srodki REB, inžyniernaje abstalavańnie i składy z palivam dy zbrojaj.
HUR śćviardžaje, što arhanizavała evakuacyju ahienta na padkantrolnuju Ukrainie terytoryju, što i zrabiła mahčymym apubličvańnie infarmacyi pra śpiecapieracyju.
Na fonie hetych padziej kamandzir ičkieryjskich dobraachvotnikaŭ Abduł Chakim vystupiŭ sa zvarotam da svaich suajčyńnikaŭ, zaklikajučy ich nie ŭstupać u rasijskuju armiju. U svajoj pramovie jon adznačyŭ: «Što vam zrabili ŭkraincy? Kaho z vas jany zabili? Bieražycie siabie i pierachodźcie na naš bok. Ratujcie svaje dušy. Budziecie vyratavany jak u hetym śviecie, tak i ŭ zamahilnym».
Sam ahient zaklikaŭ byłych tavaryšaŭ nie zabyvać svajoj historyi i nie pradavacca Rasii. «Pierachodźcie adtul na naš bok. Hetak ža, jak heta zrabiŭ ja. Prośba da ŭsich, pierachodźcie na naš bok. Ukraina mianie pryniała i vielmi dobra pryniała», — zajaŭlaje pierabiežčyk.
Ciapier čytajuć
Žycharka Daniecka zajechała praź Biełaruś va Ukrainu, kab pamianiać pašpart i pajechać žyć u Jeŭropu. Akazałasia, pierad tym jana vajavała za Rasiju1010
Kamientary
…k słovu,vsie eti «chvalenyje»ałmazy-kobalty-alfa ordynskoj zakvaski okazaliś połnym havnom.
Nu,sobstvienno,kak i vsie orłynskoje-russko-sovkovoje.