Da 1 žniŭnia Kaardynacyjnaja rada ŭzhodnić siabroŭ Abjadnanaha pierachodnaha kabinieta
Kaardynacyjnaja rada prapanoŭvaje padvieści vyniki hadavoj pracy Abjadnanaha pierachodnaha kabinieta. Adkrytyja słuchańni adbuducca da 1 žniŭnia, jak paviedamlaje pres-słužba arhanizacyi.
Narada frakcyj KR dasłała ŭ APK aficyjny zvarot z prapanovaj pravieści słuchańni spravazdač asobnych pradstaŭnikoŭ Kabinieta, a taksama vynikovuju spravazdaču pa pracy Kabinieta za hod. U zvarocie nahadvajecca, što nacyjanalnaja lidarka Śviatłana Cichanoŭskaja publična zajaŭlała, što takija spravazdačy buduć rabicca rehularna i funkcyju ich pryniaćcia pavinna ŭziać na siabie rearhanizavanaja Kaardynacyjnaja rada.
— U žniŭni 2023 hoda z momantu farmavańnia Abjadnanaha pierachodnaha kabinieta projdzie hod, — paznačana ŭ zvarocie. — Pry jaho farmavańni nacyjanalnym lidaram Biełarusi Śviatłanaj Cichanoŭskaj, a taksama pradstaŭnikami APK byli zroblenyja publičnyja zajavy adnosna nieabchodnaści ŭstalavańnia novaj struktury adnosinaŭ pamiž APK i refarmavanaj Kaardynacyjnaj radaj. Za Kaardynacyjnaj radaj zamacoŭvalisia pradstaŭničyja funkcyi, funkcyi nahladu za pracaj Kabinieta, uchvaleńnia składu i kandydaturaŭ pradstaŭnikoŭ Abjadnanaha pierachodnaha kabinieta, a taksama pryniaćcia jaho spravazdač», — abhruntavali nahodu zvarotu delehaty KR.
Pa vynikach słuchańniaŭ buduć uzhodnienyja kandydatury siabroŭ APK.
Siarod pradstaŭnikoŭ Kabinieta zhadvajucca ŭsie šaściora siabroŭ Kabinieta, spravazdačy jakich čakajucca da razhladu: Alaksandr Azaraŭ, pradstaŭnik pa adnaŭleńni pravaparadku; Volha Harbunova, pradstaŭnica pa sacyjalnych pytańniach; Valeryj Kavaleŭski, pradstaŭnik pa zamiežnych spravach; Alina Koŭšyk, pradstaŭnica pa nacyjanalnym adradžeńni; Pavieł Łatuška, pradstaŭnik pa tranzicie ŭłady; Valeryj Sachaščyk, pradstaŭnik pa abaronie i nacyjanalnaj biaśpiecy.
Ciapier čytajuć
Što zdaryłasia ź Mikitam Miełkazioravym, jaki raptoŭna pamior nočču?32
Kamientary