U letniku pad Babrujskam varoty ŭpali na 13-hadovaha školnika. Jaho stan stabilna ciažki
Niaščaście zdaryłasia ranicaj u aŭtorak, paviedamlaje SK.
13-hadovy školnik, znachodziačysia na źmienie ŭ azdaraŭlenčym łahiery, razam ź siabrami hulaŭ na spartyŭnaj placoŭcy. Padletki pa čarzie zaskokvali na pierakładzinu futbolnych varot, kab padciahnucca. Pad ciažaram vahi adnaho ź ich mietaličnaja kanstrukcyja ŭpała na chłopčyka.
Ciapier školnik u balnicy, jaho stan aceńvajecca jak stabilna ciažki.
Futbolnyja varoty nie byli zamacavanyja.
SK padrabiazna rasśleduje spravu.
Nahadajem, što ŭ listapadzie 2022 hoda anałahičnaje zdareńnie adbyłosia ŭ Minsku na spartyŭnaj placoŭcy na vulicy Fohiela. 12-hadovy chłopčyk, hulajučy ŭ futboł razam ź siabrami, zaskočyŭ na varoty i staŭ razhojdvacca. Pad ciažaram cieła padletka 27-kiłahramovaja mietaličnaja kanstrukcyja ŭpała prosta na jaho.
Chłopčyk atrymaŭ ciažkija traŭmy i praz dva tydni pamior u balnicy, nie prychodziačy ŭ prytomnaść. Rabotnika ŽEU, jakoha paličyli vinavatym, u červieni hetaha hoda asudzili da kałonii-pasialeńnia.
U 2017 hodzie ŭ Salihorskim rajonie na 12-hadovaha chłopčyka ŭpali futbolnyja varoty. Padletak zahinuŭ.
U 2019 hodzie taki ž vypadak byŭ u Baranavickim rajonie. Zahinuŭ 11-hadovy chłopčyk.
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami21
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4949
Kamientary