«NATO pieratvaryła Vilniu ŭ krepaść». Aljans umacoŭvaje miažu ź Biełaruśsiu pierad samitam u stalicy Litvy
Šasnaccać sajuźnikaŭ NATO nakiravali ahułam kala 1000 vajskoŭcaŭ dla achovy samitu 11-12 lipienia. Mnohija ź ich taksama nadali pieradavyja sistemy supraćpavietranaj abarony, jakich niama ŭ krainach Bałtyi.
NATO pieratvaryła Vilniu ŭ krepaść, abaronienuju sučasnaj zbrojaj, kab abaranić lidaraŭ Aljansu, jakija sustrenucca na nastupnym tydni ŭsiaho za 32 kiłamietry ad miažy ź Biełaruśsiu, sajuźnicaj Rasiei, jak piša «Radyjo Svaboda» sa spasyłkaj ahienctva Reuters.
Šasnaccać sajuźnikaŭ NATO nakiravali ahułam kala 1000 vajskoŭcaŭ dla achovy samitu 11-12 lipienia. Mnohija ź ich taksama nadali pieradavyja sistemy supraćpavietranaj abarony, jakich niama ŭ krainach Bałtyi.
Tak, Niamieččyna razharnuła 12 rakietnych ustanovak Patriot, jakija vykarystoŭvajucca dla pierachopu balistyčnych i kryłatych rakiet abo vajskovych samalotaŭ. U vilenskim aeraporcie byli zaŭvažanyja 8 rakietnych ustanovak Patriot, nakiravanych u bok rasiejskaha Kalininhrada, jašče 2 nakiravali ŭ bok Biełarusi.
Ispanija nakiravała ŭ Litvu sistemu supraćpavietranaj abarony NASAMS, Francyja — samachodnyja haŭbicy Caesar. Taksama Francyja, Finlandyja i Danija raźmiaščajuć svaje vajskovyja samaloty ŭ Litvie, Vialikaja Brytanija i Francyja — srodki baraćby ź bieśpiłotnikami.
Polšča i Niamieččyna nakiravali ŭ Litvu viertalotnyja siły śpiecnazu. Inšyja krainy dasyłajuć miery dla baraćby ź lubymi patencyjnymi chimičnymi, bijałahičnymi, radyjełahičnymi i jadziernymi napadami.
«Było b bolš čym biezadkazna pakinuć naša nieba biez abarony, kali prybyvajuć Bajden i lidary 40 krain», — zajaviŭ prezident Litvy Hitanas Naŭsieda.
Taksama Litva ŭ try razy pavialičyła kolkaść pamiežnikaŭ na miažy ź Biełaruśsiu i Rasiejaj na letni pieryjad, uzmacniŭšy ich aficerami z Łatvii i Polščy. Dźvie krainy taksama nakiravali palicyju dla patrulavańnia Vilni.
«My rychtujemsia da roznych pravakacyj», — zajaviŭ načalnik pamiežnaj słužby Litvy Rustamas Lubajevas. Jon dadaŭ, što aścierahajecca chvalaŭ mihrantaŭ ź Biełarusi, parušeńniaŭ miažy abo źjaŭleńnia vajskovaj techniki na miažy biez tłumačeńnia pryčyn.
Da samitu Litva adnaviła pamiežny kantrol na miežach z Polščaj i Łatvijaj.
Samit NATO projdzie 11-12 lipienia ŭ Vilni.
Kamientary