Polski sud admianiŭ datu pieradačy dziciaci baćku, jaki chacieŭ vyvieźci jaho ŭ Biełaruś
Polski sud admianiŭ pryznačanuju na 27 červienia pieradaču dziciaci jaho bijałahičnamu baćku paśla razhladu apielacyi, padadzienaj apiakunkaj chłopčyka Hannaj Kanavałavaj. Pra hetu historyju paviedamlałasia raniej.
Pra rašeńnie suda paviedamiła sama Kanavałava razam ź inicyjatyvaj Partyzanka. Pavodle jaje słoŭ, jano stała vynikam praciahłaj baraćby z udziełam pravaabaroncaŭ, jurystaŭ, žurnalistaŭ i hramadskich aktyvistaŭ.
«Naš mały zastajecca doma, pobač ź ludźmi, jakich ličyć svajoj siamjoj», — adznačyła jana.
Hanna Kanavałava pierajechała ŭ Polšču ź Biełarusi razam z dvuma ŭnukami, baćki jakich byli asudžanyja pa palityčnych artykułach. Paźniej pad jaje apiekaj akazalisia jašče dvoje dziaciej — Aleś, za jakoha ciapier i viadziecca baraćba, i jahony starejšy zvodny brat Jaŭhien. Polskija orhany apieki pieradali dziaciej Hańnie paśla pravierki siamiejnych abstavin — ich maci mieła ałkaholnuju i narkatyčnuju zaležnaści i na hety momant užo pamierła.
U 2023 hodzie bijałahičny baćka Alesia, jaki žyvie ŭ Minsku i raniej siadzieŭ u turmie za handal narkotykami, adnaviŭ kantakt z synam. Kanavałava nie pieraškadžała znosinam i navat dapamahła jamu atrymać polskuju vizu. Adnak paźniej mužčyna źviarnuŭsia ŭ sud z patrabavańniem pieradać jamu apieku nad dziciem.
Sud pieršaj instancyi padtrymaŭ baćku. Pry hetym padčas razhladu spravy jon nie paviedamlaŭ pra namier vyvieźci chłopčyka ŭ Biełaruś. Kali takaja infarmacyja stała viadomaj, Kanavałava padała apielacyju.
Asablivuju ŭvahu ŭ spravie pryciahvaje toje, što dzicia maje ŭ Polščy status mižnarodnaj abarony. Kančatkovaje rašeńnie pa spravie jašče nie pryniata, tamu sudovyja razbory praciahnucca.
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary