Technička tak emacyjna zvolniłasia sa smalavickaj himnazii, što čynoŭniki pajechali tudy z rejdam
Žančyna napisała, što rašeńnie ŭładkavacca ŭ hetuju navučalnuju ŭstanovu było jaje «samaj vialikaj pamyłkaj», a ŭ kancy pakazała navučalnaj ustanovie nieprystojny žest. Na rolik źviarnuli ŭvahu čynoŭniki.
Žycharka Smalavič zapisała videa pra svajo zvalnieńnie ź miascovaj himnazii imia Kupreviča.
Jana nazvała svajo ŭładkavańnie na pracu «samaj vialikaj pamyłkaj», a ŭ finale pakazała nieprystojny žest. Žančyna ničoha nie havoryć pra pryčyny takich adnosin da byłoha pracadaŭcy. Ale nidzie i nie nazyvaje svaju pasadu tam.
Mahło skłaścisia ŭražańnie, što «tak z himnazii biažyć piedahahičny rabotnik», zaŭvažyła rajonka.
Va ŭpraŭleńni pa adukacyi i sporcie Smalavickaha rajvykankama terminova adreahavali na videa.
— Našy śpiecyjalisty vyjechali ŭ himnaziju, pahutaryli z kalektyvam, vyvučyli dakumienty i pravieryli ŭsie fakty, jakija ahučyła aŭtarka videa. Nivodzin fakt z zajaŭ byłoj supracoŭnicy nie paćvierdziŭsia, — raspaviała namieśnik načalnika ŭpraŭleńnia Iryna Arłoŭskaja.
«Va ŭpraŭleńni padkreślili, što himnazija źjaŭlajecca fłahmanam smalavickaj adukacyi», — dadaje dziaržvydańnie.
Słova zvolnienaj žančynie rajonka nie dała.
Kamientary