«My chočam zrazumieć, što adbyłosia». U Kramli zapatrabavali tłumačeńniaŭ paśla zajaŭ ab źmienie pazicyi Trampa nakont Ukrainy
Padstavaj dla hetaha stali słovy prezidenta Francyi.
Kiraŭnik MZS Rasii Siarhiej Łaŭroŭ zajaviŭ, što Maskva choča zrazumieć, što adbyłosia na samicie Samit G7 u francuzskim Evijan-le-Benie, piša Bild.
Padstavaj dla hetaha stali słovy prezidenta Francyi Emanuela Makrona. Pavodle jaho viersii, paśla pieramoŭ z partniorami Donald Tramp pryjšoŭ da vysnovy, što Rasija nie choča miru va Ukrainie, a raniejšyja damoŭlenaści pamiž Trampam i Pucinym byli kančatkova pachavanyja.
Asablivuju ŭvahu taksama pryciahnuli novyja zajavy Trampa pra Uładzimira Zialenskaha.
Na sustrečy z hienieralnym sakratarom NATA Markam Rute prezident ZŠA skazaŭ, što Ukraina trymajecca «davoli dobra, nazvaŭ Zialenskaha «mužnym» i zajaviŭ, što ŭ Kijeva jość «vydatnaje abstalavańnie» i «vydatnyja bajcy». Pry hetym jašče niadaŭna Tramp publična rezka krytykavaŭ ukrainskaha prezidenta.
U administracyi ZŠA taksama ŭsio čaściej havorać pra pieravahu Ukrainy. Namieśnik dziaržsakratara Džeremi Levin niadaŭna zajaviŭ pra «šyroki kansensus» pamiž Trampam, Zialenskim i jeŭrapiejskimi sajuźnikami, a taksama skazaŭ, što Ukraina «na dadzieny momant» vyjhraje vajnu i źmianiła dynamiku na froncie.
Łaŭroŭ pry hetym nazvaŭ paviedamleńni pra toje, što Vašynhton daŭ Kijevu dazvoł na bolš žorstkija ŭdary pa Rasii, vydavańniem «žadanaha za sapraŭdnaje».
Ciapier čytajuć
Biełaruski kładaŭščyk sa svastykaj na plačy lačyŭsia ad ałkahalizmu ŭ Sibiry i pajšoŭ vajavać za Rasiju, a zastaŭsia biez vypłat i pracy9
Kamientary
Vy obos..liś.