Rasija ciśnie na Biełaruś, prymušajučy ŭstupić u vajnu suprać Ukrainy — WSJ
Pakolki pierśpiektyvy Maskvy na poli boju paharšajucca, Kreml imkniecca prymusić svajho najbližejšaha sajuźnika admovicca ad roli starońniaha naziralnika. Pra heta sa spasyłkaj na ciapierašnich i byłych rasijskich i jeŭrapiejskich čynoŭnikaŭ paviedamlaje The Wall Street Journal.
Rasija ŭzmacniaje cisk na Biełaruś, imknučysia pašyryć vajennaje supracoŭnictva i, mahčyma, vykarystać biełaruskuju terytoryju dla adkryćcia novaha frontu ŭ vajnie suprać Ukrainy. Pra heta paviedamlaje vydańnie sa spasyłkaj na byłych i ciapierašnich rasijskich i jeŭrapiejskich čynoŭnikaŭ.
Pavodle WSJ, Maskva razhladaje Biełaruś jak płacdarm nie tolki dla dziejańniaŭ suprać Ukrainy, ale i dla mahčymych apieracyj suprać krain NATA.
Pavodle publikacyi, na fonie ciažkaściaŭ rasijskaj armii va Ukrainie i asłableńnia ŭnutranaj padtrymki Uładzimira Pucina Kreml moža razhladać u jakaści varyjantu ryzykoŭnuju eskałacyju. Asablivaje značeńnie Biełarusi ŭ hetym aŭtary źviazvajuć z tym, što na jaje terytoryi ŭžo raźmieščana rasijskaja taktyčnaja jadziernaja zbroja.
U materyjale adznačajecca, što Biełaruś paśla 2022 hoda ŭ asnoŭnym zastavałasia pa-za pramym udziełam u vajnie, choć jaje terytoryja vykarystoŭvałasia Rasijaj padčas uvarvańnia va Ukrainu.
ZŠA ciaham apošniaha hoda sprabavali asłabić zaležnaść Minska ad Maskvy praz kantakty ź biełaruskimi ŭładami i častkovaje źmiakčeńnie sankcyj, u tym liku ŭ dačynieńni da biełaruskaha kaliju. Paśla pieramovaŭ z amierykanskimi pradstaŭnikami Alaksandr Łukašenka vyzvaliŭ kala 500 palityčnych źniavolenych.
Razam z tym Biełaruś užo akazvaje Rasii istotnuju padtrymku. Havorka idzie pra pastaŭki bienzinu i inšych naftapraduktaŭ na fonie deficytu paliva ŭ Rasii paśla ŭkrainskich udaraŭ pa jaje naftavaj infrastruktury.
Akramia taho, Maskva vykarystoŭvaje naziemnyja stancyi kiravańnia dronami na biełaruskaj terytoryi dla naviadzieńnia bieśpiłotnikaŭ.
Taksama ŭ Biełarusi, pavodle vydańnia, ciapier znachodziacca kala 2000 rasijskich vajskoŭcaŭ.
U materyjale padkreślivajecca, što dalejšaja padtrymka Rasii moža zrabić Biełaruś mišeńniu dla ŭkrainskich udaraŭ, padobnych da tych, jakija Kijeŭ nanosić pa łahistycy i pramysłovaj infrastruktury ŭ hłybini rasijskaj terytoryi.
Prezident Ukrainy Uładzimir Zialenski ŭžo papiaredziŭ Łukašenku, što kali biełaruski bok nie demantuje stancyi, to Ukraina ŭsio heta źniščyć sama.
U toj ža čas, piša vydańnie, Rasija praciahvaje nastojvać na vykarystańni biełaruskaj terytoryi dla zapuskaŭ dronaŭ i adciahvańnia ŭkrainskich sił z uschodnich učastkaŭ.
Adzin z byłych supracoŭnikaŭ rasijskaj vyviedki zajaviŭ, što Maskva nibyta ciśnie na Minsk, pahražajučy abmiežavać finansavuju padtrymku Biełarusi.
Aŭtary materyjału adznačajuć, što prykmiet nieadkładnaj padrychtoŭki vajennaj apieracyi z terytoryi Biełarusi pakul niama. Adnak sama takaja mahčymaść, pavodle krynic, užo razhladajecca. Pry hetym havorka moža iści nie tolki pra zvyčajny vajenny nastup, ale i pra dziejańni, nakiravanyja na pravierku abarony krain NATA.
-
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było
-
20‑hadovaha minčuka zatrymali pierad tym, jak jon paśpieŭ pradać pieršuju dozu narkotyku 16‑hadovaj dziaŭčynie
-
U Mahilovie staŭ pracavać adkryty skaładrom. Jon samy vysoki ŭ Biełarusi
Zialenski: Retranślatary na miažy Biełarusi prypynili pracu69
Zialenski: Retranślatary na miažy Biełarusi prypynili pracu
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary
No to, čto krieml vtiahivajet Biełaruś v vojnu, vinovat v tom čiśle i Łukašienko, on 32 hoda u vłasti, on vsie postavił na priestupnuju Rośsiju, on pomohał i prodołžajet pomohať Rośsii v vojnie.
A diejstvija kriemla i russkich impierciev poniatny - oni takoho roda priestuplenija sovieršajut stoletijami. Im plevať na svoich rabov, kotorych s každym miesiaciem stanovitsia vsie mieńšie niesmotria na bolšije vypłaty, a na biełarusov i druhije narody im i podavno pofihu. Objavlať jeŝie odnu mobilizaciju ili otpravlať moskvičiej na front Putin boitsia. Poetomu riešił ubivať biełarusov, vtianuť jeŝie i našu stranu, čtoby massovo hibli naši hraždanie, čtoby naši horoda podvierhaliś atakam i razrušienijam. Tak diełali vsie moskovskije cari stoletijami - prinosili na našu ziemlu tolko horie. Točno takžie i siejčas. Eto suŝnosť koričnievoho «russkoho mira».