Košt nafty marki Brent źniziŭsia da kala 73 dalaraŭ za baral, faktyčna adkaciŭšysia da ŭzroŭniu, jaki byŭ pierad pačatkam apošniaha abvastreńnia kanfliktu na Blizkim Uschodzie. Amierykanskaja nafta WTI apuściłasia nižej za 70 dalaraŭ za baral, piša The Moscow Times.
Asnoŭnyja pryčyny padzieńnia cen:
- adnaŭleńnie sudnachodstva praz Armuzski praliŭ;
- źmianšeńnie ryzyk pierabojaŭ z pastaŭkami nafty z rehijona;
- čakańni rostu ekspartu iranskaj nafty;
- prahnozy adnosna lišku prapanovy na suśvietnym rynku.
Pavodle źviestak Mižnarodnaj marskoj arhanizacyi, dziakujučy supracoŭnictvu z Amanam, Iranam, ZŠA i pradstaŭnikami sudnachodnaj haliny arhanizavanyja biaśpiečnyja maršruty dla bolš čym tysiačy sudnaŭ, jakija byli zabłakavanyja ŭ Piersidskim zalivie.
Na fonie hetaha tańnieje i rasijskaja nafta. Dadatkovym faktaram stała adnaŭleńnie dziejańnia amierykanskich sankcyj paśla taho, jak ZŠA nie praciahnuli licenziju na asobnyja apieracyi z rasijskaj naftaj.
Analityki taksama adznačajuć, što mnohija krainy zahadzia zakupili nieabchodnyja abjomy syraviny i ciapier čakajuć jašče bolšaha źnižeńnia cen. Pavodle prahnozu Mižnarodnaha enierhietyčnaha ahienctva, u 2027 hodzie suśvietnaja prapanova nafty moža pieravysić popyt bolš čym na 5 miljonaŭ baralaŭ za sutki, što stvoryć istotny praficyt na rynku.
A kali Iran zmoža chutka pavialičyć ekspart paśla mahčymych damoŭlenaściaŭ z ZŠA, cisk na ceny moža ŭzmacnicca jašče bolš.
Ad zaŭtra troški daražeje bienzin
ZŠA prypynili sankcyi suprać iranskaj nafty
Lidary krain G7 damovilisia ŭzmacnić cisk na Rasiju praz naftu i haz. Zdajecca, nichto nie suprać
Jakaja budzie damova ZŠA ź Iranam, pakul niajasna, ale biełarusam plavać na detali. Važna, kab jana była
Cana Brent upała na 5% na fonie pahadnieńnia pamiž ZŠA i Iranam
Ciapier čytajuć
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1111
Kamientary