U červieni jak minimum 36 čałaviek byli asudžanyja paśla zatrymańnia na miažy
Za červień sama mieniej 36 čałaviek atrymali sutki i štrafy paśla zatrymańniaŭ na miažy, paviedamlaje pravaabarončy centr «Viasna».
Sudy paśla pravierak telefonaŭ na miažy prachodzili ŭ vaśmi pamiežnych haradach: Voranavie, Astraŭcy, Ašmianach, Brasłavie, Loźnie, Haradku, Dubroŭnie i Breście.
U Voranavie 12 čałaviek atrymali štrafy ad 555 da 925 rubloŭ, dva čałavieki atrymali 5 i 15 sutak aryštu.
U Astraŭcy sudzili čatyroch čałaviek, zatrymanych u punkcie propusku «Łoša». Troje atrymali pa 740 rubloŭ štrafu, adzin — 1110 rubloŭ.
U Ašmianach čaćviora čałaviek atrymali štrafy, u Brasłavie adzin čałaviek atrymaŭ 15 sutak aryštu.
U Breście čałavieku dali štraf u pamiery 40 bazavych vieličyniaŭ (1 480 rubloŭ).
Taksama 13 čałaviek byli asudžanyja paśla pravierak na biełaruska-rasijskaj miažy.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary