Ukrainskija pamiežniki adsočvajuć pieramiaščeńni vahnieraŭcaŭ u Biełarusi
Dziaržaŭnaja pamiežnaja słužba Ukrainy (DPSU) paćviardžaje źjaŭleńnie ŭ Biełarusi asobnych hrup PVK «Vahnier», ukrainskija pravaachoŭniki buduć staranna adsočvać ich kroki na terytoryi našaj krainy, paviedamiŭ śpikier DPSU Andrej Dziemčanka ŭ kamientary «Ukrainskaj praŭdzie».
«Jak my paviedamlali raniej, z pryčyny zajaŭ i rytoryki biełaruskaha kiraŭnictva pa pytańni pryjomu rasijskich najmitaŭ i ŭładkavańnia miescaŭ dla ich raźmiaščeńnia nielha było vyklučać, što rana ci pozna ŭ Biełarusi jany ŭsio ž źjaviacca.
Pavodle stanu na siońnia najaŭnaja infarmacyja pakazvaje, što ŭ Biełarusi pačali naziracca asobnyja hrupy pradstaŭnikoŭ z pryvatnych vajskovych kampanij, jakija pieramiaščajucca z terytoryi Rasii.
My praciahvajem adsočvać hetuju situacyju, kab viedać usie miescy, dzie jany buduć dysłakavacca, jakaja kolkaść ich budzie i jakija zadačy jany buduć vykonvać», — skazaŭ Dziemčanka.
Ranicaj 15 lipienia ŭ Biełarusi zaŭvažyli vialikuju kałonu lehkavych i hruzavych aŭtamabilaŭ na numarach tak zvanych «DNR» / «ŁNR», na jakich pryjechali vahnieraŭcy.
Ciapier čytajuć
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary