Pucin raskazaŭ afrykanskim lidaram novuju viersiju adychodu rasijskich vojskaŭ z-pad Kijeva
Na ekanamičnym forumie Rasija — Afryka Uładzimir Pucin zajaviŭ, što rasijskija ŭłady prasili advieści vojski z-pad Kijeva dziela mirnaj damovy, ale paśla padmanuli.
«Paśla advodu našych vojskaŭ z-pad Kijeva — a nas prasili heta zrabić, kab stvaryć umovy dla ŭkładańnia kančatkovaj damovy, — kijeŭskija ŭłady admovilisia ad usich raniejšych damoŭlenaściaŭ», — zajaviŭ prezident Rasii.
Jak adznačajuć rasijskija miedyja, frahmient z hetym vykazvańniem byŭ vydaleny z telehram-kanała Kramla, chacia pieršapačatkova prysutničaŭ u videa. U tekstavaj rasšyfroŭcy na sajcie Kramla hety momant taksama adsutničaje.
Nahadajem, u sakaviku 2022 hoda ŭkrainskija vojski pierajšli ŭ kontrnastup pad Kijevam i Sumami. Nad rasijskimi hrupoŭkami na pravym bierazie Dniapra ŭ Bučy i Hastomieli i nad rasijskaj hrupoŭkaj na levym bierazie Dniapra ŭ rajonie Pryłuk navisła pahroza atačeńnia. Tamu Minabarony Rasii vystupiła z zajavaj ab skaračeńni bajavych dziejańniaŭ na kijeŭskim i čarnihaŭskim napramkach «u metach pavyšeńnia ŭzajemnaha davieru» i ŭ ramkach «płanavaj pierahrupoŭki vojskaŭ».
Paśla pres-sakratar prezidenta Rasii Dźmitryj Piaskoŭ patłumačyŭ adstupleńnie rasijskich vojskaŭ ad Kijeva «žestam dobraj voli».
Kamientary
Diadieńka,prośniś,ty obosr***sia!
Mnoho chodov očka