Пуцін расказаў афрыканскім лідарам новую версію адыходу расійскіх войскаў з-пад Кіева
На эканамічным форуме Расія — Афрыка Уладзімір Пуцін заявіў, што расійскія ўлады прасілі адвесці войскі з-пад Кіева дзеля мірнай дамовы, але пасля падманулі.
«Пасля адводу нашых войскаў з-пад Кіева — а нас прасілі гэта зрабіць, каб стварыць умовы для ўкладання канчатковай дамовы, — кіеўскія ўлады адмовіліся ад усіх ранейшых дамоўленасцяў», — заявіў прэзідэнт Расіі.
Як адзначаюць расійскія медыя, фрагмент з гэтым выказваннем быў выдалены з тэлеграм-канала Крамля, хаця першапачаткова прысутнічаў у відэа. У тэкставай расшыфроўцы на сайце Крамля гэты момант таксама адсутнічае.
Нагадаем, у сакавіку 2022 года ўкраінскія войскі перайшлі ў контрнаступ пад Кіевам і Сумамі. Над расійскімі групоўкамі на правым беразе Дняпра ў Бучы і Гастомелі і над расійскай групоўкай на левым беразе Дняпра ў раёне Прылук навісла пагроза атачэння. Таму Мінабароны Расіі выступіла з заявай аб скарачэнні баявых дзеянняў на кіеўскім і чарнігаўскім напрамках «у мэтах павышэння ўзаемнага даверу» і ў рамках «планавай перагрупоўкі войскаў».
Пасля прэс-сакратар прэзідэнта Расіі Дзмітрый Пяскоў патлумачыў адступленне расійскіх войскаў ад Кіева «жэстам добрай волі».
Цяпер чытаюць
Пасля паездкі за межы ЕС таямніча знік Анатоль Котаў, былая правая рука Паўла Латушкі45
Каментары
Дяденька,проснись,ты обоср***ся!
Много ходов очка