Ministr abarony Litvy: My nie źbirajemsia dryžeć pierad vahnieraŭcami ŭ Biełarusi
Ministr abarony Litvy Arvidas Anušaŭskas zajaviŭ, što prysutnaść rasijskich najmitaŭ PVK «Vahnier» u Biełarusi istotna nie mianiaje situacyju ŭ vobłaści biaśpieki dla jaho krainy.
Pa słovach Anušaŭskasa, situacyja ź biaśpiekaj u rehijonie istotna źmianiłasia, kali RF pačała poŭnamaštabnuju vajnu suprać Ukrainy, jak piša Deutsche Welle.
Pavodle padlikaŭ Minabarony Litvy, ciapier na terytoryi Biełarusi znachodzicca prykładna 2—3 tysiačy vahnieraŭcaŭ (pavodle źviestak Dziaržpamiežsłužby Ukrainy — krychu bolš za piać tysiač).
«My nie źbirajemsia ŭzdryhvać praz toje, što ŭ Biełarusi źjavilisia niejkija rasijskija najmity. Istotna heta situacyju ŭ vobłaści biaśpieki dla nas nie mianiaje…toje, što źjavilisia najmity, jakich my abahulniajem nazvaj vahnieraŭcy… Viedajecie, Litva, jak i inšyja čalcy NATA, maje i vajskoŭcoŭ, i inšyja mahčymaści harantavać svaju biaśpieku, navat biez dapamohi svaich sajuźnikaŭ.
Heta istotna ničoha nie mianiaje. Va Uzbrojenych siłach Biełarusi 40 tysiač čałaviek. Voś heta istotna moža źmianić situacyju. Naprykład, kali Biełaruś dašle svaje Uzbrojenyja siły da našych miežaŭ, tady budzie reakcyja NATA. Ale, jak ja i kazaŭ, uzdryhvać z-za hetych vahnieraŭcaŭ my nie źbirajemsia», — skazaŭ Anušaŭskas.
Ciapier čytajuć
«Na takuju ch**niu paviałasia». Rasijanka pryjechała ź Sibiry ŭ Biełaruś i ciapier z maciukami raskazvaje, jak tut składana žyć4
Kamientary
Napačatku hetyja słovy pramoviŭ ministar abarony RF. Potym ministar abarony Letuvy. Niejki cyrk! 🪅