Žurnalist ź Luksiemburha dajechaŭ da Ukrainy na rovary, kab dapamahčy srodkami
Jon jechaŭ bolš za miesiac.
Michael Mierten ładzić dabračynny viełatur z pačatku lipienia i ŭžo dajechaŭ da Vińnicy. Akramia zboru srodkaŭ, mužčyna dapamahaje raźvivać charkaŭski prajekt, jaki zajmajecca pakavańniem suchpajkoŭ, a taksama padtrymlivaje reabilitacyjny centr dla dziaciej u Karpatach, piša «Ukrainskaja praŭda».
Pra svoj viełatur Michael piša va ŭłasnym błohu. Mužčyna raspavioŭ, što hetym letam płanavaŭ viełatur u Stambuł. Ale ŭ śniežni minułaha hoda jamu prapanavali supravadžać hramadskuju arhanizacyju L'ukraine asbl u aŭtakałonie ź Luksiemburha va Ukrainu.
«Kali ja stajaŭ na naziralnaj placoŭcy ŭ Kijevie nieŭzabavie paśla Kalad i hladzieŭ uniz na Dniapro, ja zrazumieŭ, niahledziačy na pavietranuju tryvohu: siudy treba viarnucca letam 2023 hoda. Tamu ja ŭziaŭ adpačynak i 1 lipienia adpraviŭsia ŭ dabračynny viełatur ź Luksiemburha ŭ Kijeŭ. Heta znak salidarnaści z vydatnaj krainaj, jakaja maje patrebu ŭ dapamozie», — pisaŭ Michael.
Žurnalist dajechaŭ da Vińnicy, dzie jaho sustreli ravarysty z haradskoj i abłasnoj spartyŭnych škoł.
Maršrut pralahaŭ praź Luksiemburh, Šenhien, Niurnbierh, Plzień, Prahu, Aśviencim, Krakaŭ, Lvoŭ, Ivana-Frankoŭsk, Bar.
U svaim zaplečniku mužčyna vozić roznyja ściahi — Hiermanii, Luksiemburha, Polščy, Čechii i inšych krain. A ŭkrainski — paviazaŭ sabie na plečy.
Ciapier čytajuć
Na pieradśmiarotnym videa z kałonii nasamreč byŭ nie Vitold Ašurak. Źjavilisia novyja padrabiaznaści śmierci palitviaźnia26
Kamientary