Dyrektar pres-słužby Vatykana Matea Bruni adkazaŭ na pytańni žurnalistaŭ, jakija tyčacca zaklučnaha pryvitańnia Papy Franciška, źviernutaha da maładych rasijskich katolikaŭ, što brali ŭdzieł u Ch Usierasijskaj sustrečy katalickaj moładzi, paviedamlaje Radyjo Vatykana.
Padčas telemostu 25 žniŭnia Śviaty Ajciec pračytaŭ pramovu, adkazaŭ na niekalki pytańniaŭ i zaviaršyŭ sustreču karotkim pryvitańniem.
«U słovach pryvitańnia, spantanna źviernutych da niekatorych maładych rasijskich katalikoŭ niekalki dzion tamu, jak vidavočna vynikaje z kantekstu, u jakim jany byli pramoŭlenyja, Papa chacieŭ padbadzioryć maładych ludziej, kab jany zachoŭvali i prasoŭvali toje, što jość pazityŭnaha ŭ vialikaj rasijskaj kulturna-duchoŭnaj spadčynie, i, biezumoŭna, jon nie mieŭ namieru ŭschvalać impieryjalisckuju łohiku i kiraŭnikoŭ, jakich zhadaŭ, kab pakazać na niekatoryja adpaviednyja histaryčnyja pieryjady», — rastłumačyŭ kiraŭnik pres-słužby Śviatoha Pasadu Matea Bruni.
Nahadajem, što Papa Francišak, źviartajučysia da ŭdzielnikaŭ Ch Usierasijskaha dnia katalickaj moładzi ŭ Sankt-Pieciarburhu, zajaviŭ nastupnaje: «Nikoli nie zabyvajcie pra spadčynu. Vy — naščadki vialikaj Rasii: vialikaj Rasii śviatych, kiraŭnikoŭ, vialikaj Rasii Piatra I, Kaciaryny II, toj impieryi — vialikaj, adukavanaj, vialikaj kultury i vialikaj čałaviečnaści. Nikoli nie admaŭlajciesia ad hetaj spadčyny. Vy — naščadki vialikaj Matuchny Rasii, kročcie napierad z hetym. I dziakuj vam — dziakuj za vaš sposab być, za vaš sposab być ruskimi».
Represii razhaniajucca ci zapavolvajucca? Davajcie ličyć9
Represii razhaniajucca ci zapavolvajucca? Davajcie ličyć
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach1010
Biełaruski psichijatr: Palihraf z 100 chłusaŭ nie vyjavić dvuch. A siemiarych tych, chto kaža praŭdu, abvinavacić u chłuśni — i heta pa aptymistyčnych acenkach10
Źnikły Anatol Kotaŭ byŭ partnioram samaha vysokapastaŭlenaha biełaruskaha raźviedčyka, jaki pierajechaŭ u Polšču. Tut moža być kluč da razhadki jaho źniknieńnia7777
Kamientary