Ministr adukacyi Andrej Ivaniec paviedamiŭ, što školniki ŭžo spakojna staviacca da zabarony karystacca mabilnymi telefonami ŭ škołach. Pavodle jaho słoŭ, pieršaje «chvalavańnie» paśla ŭviadzieńnia novych praviłaŭ minuła, a ciapier vučni biez prablem zdajuć svaje telefony na zachoŭvańnie pierad pačatkam urokaŭ.
Kiraŭnik Minadukacyi adznačyŭ, što aściarohi nakont taho, što dzieci pačnuć prynosić knopačnyja telefony ci chavać smartfony ŭ zaplečnikach, nie paćvierdzilisia. Manitorynh pakazaŭ, što vučni prynosiać u škołu svaje zvyčajnyja telefony i dobrasumlenna ich zdajuć.
Akramia taho, jak adznačyŭ Ivaniec, paśla ŭviadzieńnia zabarony školniki stali bolš aktyŭnymi na pierapynkach — zajmajucca hulniami, razmaŭlajuć i ŭdzielničajuć u inšych vidach dziejnaści.
Z 1 vieraśnia ŭ škołach Biełarusi ŭviedziena zabarona na karystańnie mabilnikami padčas vučebnaha dnia. Vučni pavinny zdavać svaje pryłady ŭ śpiecyjalnaje miesca zachoŭvańnia i atrymlivajuć ich nazad tolki paśla zakančeńnia zaniatkaŭ.
Pry hetym jość vyklučeńni: telefony mohuć zastavacca ŭ dziaciej, jakim jany nieabchodnyja pa miedycynskich pakazańniach — naprykład, kali smartfon vykarystoŭvajecca dla kantrolu za sercavym rytmam ci ŭzroŭniem hlukozy ŭ kryvi. Taksama dazvolena pakidać telefon vučniam z parušeńniami słychu, zroku abo tym, kamu supraćpakazana nasić ciažkija rečy.
Jak udakładnili ŭ Ministerstvie achovy zdaroŭja, takija dazvoły pavinny być dakładna paznačanyja ŭ miedycynskaj daviedcy — ahulnaja fraza «možna karystacca telefonam pa miedycynskich pryčynach» niedapuščalnaja.
Kanduktarka aŭtobusa raskazała, jak praviaraje, što pierad joj školnik
Školniki pratestujuć u tualetach suprać zabarony telefonaŭ
Smart-hadzińniki školnikam usio ž taki dazvolili
«Heta kałonija dla niepaŭnaletnich, a nie škoła!» Baćki školnikaŭ aburajucca zabaronaj na smart-hadzińniki
Ci zabaraniajuć mabilniki ŭ škołach u inšych krainach? I što pra heta kažuć navukoŭcy?
Nastaŭnikam u škołach zabaranili karystacca mabilnymi telefonami padčas urokaŭ
Ciapier čytajuć
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami7
Ślesar z Oršy biehaŭ ad vojska na radzimie, kab paśla pamierci za Pucina. Pierad adpraŭkaj na zaboj dla jaho zakacili dyskateku z afrykancami
Pasoł Ukrainy pa pytańniach Biełarusi adkazaŭ na dyskusiju Viačorki i krytykaŭ Cichanoŭskaj: Vaša ŭzajemnaja nieprymalnaść adyhryvaje vielmi niekanstruktyŭnuju rolu4646
Kamientary