Biełaruski futbalist nazvaŭ supiernika «čornym šympanze». Jamu pahražaje dyskvalifikacyja i štraf
Haniebny incydent zdaryŭsia na matčy čempijanatu Biełarusi pa futbole pamiž «Viciebskam» i «Smarhońniu».
Forvard «Viciebska» Valeryj Harbačyk nazvaŭ kamierunskaha abaroncu smarhoncaŭ Kryścijana Intsaena «čornym šympanze».
Za heta arbitr sustrečy Ihar Šumiłaŭ pakazaŭ forvardu haściej pramuju čyrvonuju kartku.
Ciapier jamu pahražaje dyskvalifikacyja na termin ad 5 da 15 matčaŭ i (ci) časovaja abo biesterminovaja zabarona na naviedvańnie futbolnych matčaŭ na peŭnym stadyjonie (stadyjonach) z adnačasovym nakładańniem štrafu ŭ pamiery ad 50 da 100 bazavych vieličyń (2100—4200 rubloŭ)», paviedamlaje telehram-kanał «Ucho».
Z «Viciebska» mohuć źniać try bały.
Sam Kryścijan prakamientavaŭ football.by situacyju: «Nie chacieŭ havaryć pra hetuju situacyju paśla matču, pakolki byŭ na emocyjach, jak heta byvaje paśla paražeńniaŭ. I ŭ toj ža čas mnie było vielmi niepryjemna ad słoŭ, skazanych futbalistam «Viciebska». Kali ja pravilna pamiataju, tady byŭ vuhłavy, i adbyłasia žorstkaja mužčynskaja baraćba, paśla jakoj Harbačyk upaŭ. Ja adbieh nazad, kab nie zdaryłasia kontrataka. A jon kazaŭ niešta, źviazanaje z maim koleram skury. I nie tolki ja heta čuŭ».
Jon dadaŭ, što sudździa taksama heta pačuŭ: «Tak. Kali b jon nie pačuŭ, to navošta jamu adrazu pakazvać čyrvonuju kartku? Paŭtarusia, nie tolki ja heta čuŭ».
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB29
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ88
Kamientary