Viciebski futbalist, jaki abraziŭ padčas matča kamierunca, jeździŭ u Smarhoń prasić u jaho prabačeńnia
Forvard futbolnaha kłuba «Viciebsk» Valeryj Harbačyk raskazaŭ vydańniu sports.ru pra svoj kanflikt z kamierunskim abaroncam «Smarhoni» Kryścijanam Intsaenam, u vyniku jakoha byŭ vydaleny z pola i abvinavačany ŭ rasisckich vykazvańniach.
— Valeryj, što adbyłosia ŭ Smarhoni?
— Była sutyčka ŭ štrafnoj, paśla jakoj ja nie strymaŭ emocyj. Ščyra, navat nie pamiataju, što havaryŭ. Emocyi zachlisnuli, paśla hetaha ŭbačyŭ pierad saboj «čyrvonaje śviatło».
— Słovy «čornaje šympanze» sapraŭdy prahučali?
— Mienavita takich słoŭ ja nie ŭžyvaŭ — heta dakładna. Byli słovy, ale inšyja, nakolki pamiataju. Ciapier u Smarhoni, my tolki što sustrelisia ź Intsojenam, pahavaryli, usio ŭładzili. Ja pierad im paprasiŭ prabačeńnia za svaje pavodziny, za svaju emacyjnaść, za toje, što nahavaryŭ niekulturnych słoŭ.
Prabačeńni byli ŭzajemnymi. Jon skazaŭ, što nijakich pytańniaŭ da mianie nie maje — my pacisnuli ruki.
— Heta vaša asabistaja inicyjatyva ci tak padkazali ŭ kłubie?
— U pieršuju čarhu maja, ale i ŭ kłubie skazali, što mahu heta zrabić. Intsojen adrazu pahadziŭsia na sustreču, nijakich pytańniaŭ nie było.
— Vy ž raniej hulali z čarnaskurymi futbalistami ŭ adnoj kamandzie?
— Viadoma, hulaŭ. U «Tarpieda-BiełAZ» z Evansam Miensa. U nas ź im było navat asobnaje śviatkavańnie hoła, svajo indyvidualnaje pryvitańnie. Usie skažuć, što ničoha drennaha ja nie rabiŭ. I [ivuaryjec] Jan Afi tak skaža, i [ivuaryjec] Žan Po. Z usimi dobra kamunikavaŭ.
Zanadta šmat čaho chočuć z hetaj situacyi. Tak, niepryjemny incydent, ale… Nie maju nijakich pretenzij da koleru skury, ja nie rasist. Šmat z kim hulaŭ, nabiarycie lubomu, jany skažuć pra mianie tolki dobraje.
— Vy spakojny čałaviek?
— Tak, ale ŭ kožnaha byvaje takaja emacyjnaja vychałaščanaść, što ciažka siabie kantralavać. Tak atrymałasia, viny ź siabie nie zdymaju.
— Mocna pieražyvajecie?
— Vielmi mocna. Ja padvioŭ kamandu, a kali b prapuścili ŭ matčy hoł… Tut jašče dyskvalifikacyju mahu atrymać. Ja ŭsio vielmi blizka ŭsprymaju da serca, ciažki pieryjad.
— Spali nočču?
— Možna skazać, nie spaŭ naohuł. Spadziajusia paźbiehnuć vialikaj dyskvalifikacyi. Pahladzim, što sudździa skaža na pasiadžeńni.
Biełaruski futbalist nazvaŭ supiernika «čornym šympanze». Jamu pahražaje dyskvalifikacyja i štraf
Futbolnyja lehijaniery z Afryki raskazali, jak im zachodziać stravy biełaruskaj kuchni
Lubić draniki ź miasam, užo pryvyk da biełaruskaj bulby i viedaje niekalki biełaruskich słoŭ. Kamierunski futbalist raskazaŭ, jak jamu žyviecca ŭ Smarhoni
Ciapier čytajuć
Halina Dzierbyš kazała prakuroru: «Jak pamru, budu da ŭsich vas nočču prychodzić». I žyćcio ŭžo dahnała jaje sudździu i śviedak. Historyja piensijanierki, jakoj dali 20 hadoŭ kałonii11
Kamientary