Da 1 śniežnia ŭ Minsku ŭstalujuć 28 navahodnich jołak. Pra heta paviedamiła dziaržaŭnaja arhanizacyja «Minskrekłama». Mantaž pačaŭsia 1 listapada i zavieršycca da kalandarnaha pačatku zimy, piša Sputnik.
Padrabiaznaści ŭpryhožvańniaŭ pakul trymajucca ŭ sakrecie — arhanizatary abiacajuć, što jany stanuć sapraŭdnym siurpryzam dla minčukoŭ i haściej stalicy.
Kali letaś u horadzie było 27 jołak, to sioleta źjavicca jašče adna — novaja śviatočnaja łakacyja budzie raźmieščana na vulicy Čyžeŭskich, niedaloka ad Łošyckaha siadzibna-parkavaha kompleksu.
Pieršyja simvały Novaha hoda ŭžo možna ŭbačyć u horadzie: adnu ź jołak staviać u Parku ekstremalnych vidaŭ sportu na vulicy Staletava, 1.
Padrychtoŭka da śviata idzie ŭžo nie tolki ŭ stalicy — u Viciebsku taksama ŭžo pačali stavić hałoŭnuju haradskuju jołku na płoščy Pieramohi.
Taksama raboty ŭžo iduć i na płoščy Lenina ŭ Breście. Jak rastłumačyŭ hienieralny dyrektar Bresckaj haradskoj ŽKH Andrej Hašaŭ, pačać raboty sioleta pryjšłosia raniej, čym zvyčajna, — z-za katka, jaki tradycyjna raźmiaščajecca vakoł jołki.
Ciapier čytajuć
A my vam kazali: «nie dumajcie, što heta kapiejki»! Stali viadomyja źviestki, kolki padachodnaha biełarusy Litvy pieraličyli roznym hramadskim strukturam2929
Kamientary