Niahledziačy na vajnu, Ukraina źbiare 80 miljonaŭ ton zbožža. Biełaruś — tolki 7
Prahnoz pa sukupnym uradžai zbožžavych i alejnych kultur va Ukrainie ŭ 2023 hodzie byŭ pavialičany na 3,7 młn ton, da 80,5 młn ton, paviedamiła Ukrainskaja zbožžavaja asacyjacyja (UZA).
«Pavieličeńnie prahnozu ŭradžaju ŭ hetym hodzie abumoŭlena spryjalnymi ŭmovami nadvorja i vyšejšaj, čym čakałasia, uradžajnaściu sielskahaspadarčych kultur», — havorycca ŭ zajavie UZA.
Ukrainski karavaj budzie ŭklučać 28 młn t kukuruzy, 22 młn t pšanicy, 5,8 młn t jačmieniu, 13,9 młn t nasieńnia słaniečnika, 4,1 młn t rapsu i 4,8 młn t sojevych baboŭ, prahnazujuć u halinovaj asacyjacyi. Pryčym uradžajnaść pšanicy i jačmieniu sioleta blizkaja da rekordnaj.
Heta cudoŭny vynik va ŭmovach, kali 18 pracentaŭ ukrainskich ziamiel akupavanyja Rasijaj, a vialikaja častka nie moža abrablacca, bo na joj praciahvajucca bajavyja dziejańni abo jašče nie adbyłosia raźminavańnia. Letaś i ŭviesnu ŭvohule byli sumnievy, ci zmoža Ukraina adsiejacca va ŭmovach bambiožak i rakietnych udaraŭ pa paliŭnych bazach i zapraŭkach.
Zrazumieć značeńnie ličbaŭ ukrainskaha ŭradžaju moža dapamahčy paraŭnańnie ź biełaruskimi. Ahulny zbor zbožžavych i alejnych kultur u našaj krainie sioleta pa aficyjnych źviestkach składzie 7,1 miljona ton, što prapahanda padaje jak vialiki pośpiech i zasłuhu asabista Alaksandra Łukašenki.
Jak čakajecca, Ukraina zmoža pastavić na ekspart u nastupnym siezonie 49 młn ton zbožžavych. Praŭda, hetaha ŭdajecca dasiahać ź vializnaj ryzykaj dla ludziej. Rasijskija rakietnyja ŭdary tolki za apošnija dva miesiacy spalili 270 tysiač ton zbožža ŭ dunajskich partach, dzie jaho zahružajuć na suchahruzy.
Ciapier čytajuć
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali6
Mužu viadomaj biełaruskaj advakatki dali ŭ Rasii 9 hadoŭ kałonii za chabary. A ich sumiesnuju kvateru ŭ Vybarhu ciškom pradali
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»1010
«Pastavili pałatki, raźviali vohniščy». MUS paćvierdziła zatrymańnie 350 čałaviek pad Rasonami. Znajšli i arhumient: «Mnohija ŭ hołym vyhladzie pierad małaletnimi»10
U Šejmana znajšli jašče adnu mahčymuju kachanku i syna. Sakratarka biez vyšejšaj adukacyi za ličanyja hady stała ŭłaśnicaj raskošnych damoŭ i handlovaha centra2727
Kamientary