«Nie maje značeńnia, što jaho padtrymlivajuć 60% ci 70%. Nie, prajhraje jaho ekanomika».
Rasijski prezident Uładzimir Pucin prajhraje ŭ doŭhaj vajnie. Pra heta zajaviŭ Uładzimir Zialenski ŭ intervju The Economist.
Ź jahonych słoŭ, nie zdoleŭšy chutka skaryć Ukrainu, Pucin nastrojeny źniasilić jaje i rašučaść jaje partnioraŭ. Pucin imkniecca pieratvaryć Ukrainu ŭ dysfunkcyjanalnuju, abiaźludziełuju dziaržavu, uciekačy ź jakoj stvarajuć prablemy ŭ Jeŭropie. Adnak miž tym sama Rasija źjaŭlajecca ŭraźlivaj, piša UNIAN.
«Pucin nie razumieje, što ŭ doŭhaj vajnie jon prajhraje. Bo nie maje značeńnia, što jaho padtrymlivajuć 60% ci 70%. Nie, prajhraje jaho ekanomika. Pa miery taho, jak Ukraina budzie ŭzmacniać svaje ŭdary ŭnutry Rasii, rasijanie pačnuć zadavać niazručnyja pytańni ab niazdolnaści ich vojska abaranić ich», — skazaŭ prezident Ukrainy.
Akramia taho, pucinskaja ŭłada ŭžo była asłablenaja miaciažom Jaŭhiena Pryhožyna. Zialenski ŭpeŭnieny, što jana budzie asłablenaja i ŭ dalejšym.
Prezident Ukrainy kaža, što nie choča dumać ab praciahłaj vajnie, adnak rychtujecca da jaje. «Ja pavinien być hatovy, maja kamanda pavinna być hatovaja da doŭhaj vajny, i emacyjna ja hatovy», — skazaŭ jon.
Ciapier čytajuć
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było36
Maksim Znak: My ź Cichanoŭskaj zajšli padavać skarhu ŭ kabiniet Jarmošynaj — ale Jarmošynaj tam nie było
U archivach SBU znajšlisia dakumienty, jak savieckija śpiecsłužby zavierbavali emisara AUN, ale ŭkrainskaje padpolle heta vykryła i zabiła zdradnika88
Kamientary