U intervju telekanału «Al-Arabija» Alaksandr Łukašenka abraŭ niečakana prymirenčy ton adnosna prezidenta Ukrainy Uładzimira Zialenskaha, jaki apošnim časam, naadvarot, zaniaŭ adnosna jaho našmat bolš rezkuju i bieskampramisnuju pazicyju.
«Ja niedzie i pierahnuŭ pałku, ale heta byŭ adkaz na voś hetyja jahonyja niedarečnyja zajavy: «Dy ŭ nas 500 celaŭ, dy my viedajem, dzie tam toj Łukašenka znachodzicca, my zaŭtra ŭdarym rakietami, bieśpiłotnikami», — pryznaŭ Łukašenka nieabačlivaść svaich rezkich słoŭ.
«Kali Uładzimir Alaksandravič pakryŭdziŭsia, ja vybačajusia za hetyja słovy», — skazaŭ jon.
Rezkuju ž rytoryku z boku Zialenskaha na jahony adras Łukašenka śpisvaje na jahonuju maładość i «niavopytnaść».
«Ja maŭčaŭ. Navat usie ździŭlalisia, što ja maŭčaŭ. Ja razumieŭ, čałaviek znachodzicca pad takim presam. Małady čałaviek, niavopytny, jon nie vajskovy čałaviek. Ale kali mnie pačali pahražać, ja vymušany byŭ adkazać».
«Ale, ź inšaha boku, jon pavinien razumieć, što ŭ nas časta kažuć: jak śpiavajuć, tak i adpiavajuć. Tamu treba być akuratniejšym i aściarožniejšym.
Tym bolš jon cudoŭna razumieje, jašče raz padkreślivaju, što z boku Biełarusi i asabliva z majho boku niejkich vajennych dziejańniaŭ čakać nie varta», — pasprabavaŭ Łukašenka znoŭ viarnuć sabie toj vobraz u vačach ukraincaŭ, jaki isnavaŭ da 2022 hoda.
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
Łukašenka pryznaŭ, što Rasija va Ukrainie nie dasiahnuła metaŭ. Patłumačyŭ heta tym, što Pucina padmanuli Vatykan i jaŭrejskaje łobi
Łukašenka zajaviŭ pra sustreču z Pucinym u najbližejšy čas
Łukašenka niervova prakamientavaŭ vizit Cichanoŭskaj u Kijeŭ
Łukašenka adkazaŭ nakont 500 celaŭ u Biełarusi, namiečanych Ukrainaj
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy16
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary
Nijakimi vybačeńniami ty ich nie zmyješ. Nie ty, nie tvoj vyvadak, nie tvaje apryčniki.
***
Za ŭsie maje žyćcie ja nie atrymaŭ taki soram i žach jak 24.02.2022 kali ty našu krainu pieratvaryŭ u prachadny dvor dla klatych botaŭ maskavitaŭ. Kali biazkoncyja kałony maskoŭskich varvaraŭ i zabojc praz našu krainu kinulisia va Ukrainu zabivać i rabavać ukraincaŭ. Susiedziaŭ i narod, jakija tabie ničoha kiepskaha nie zrabili.
Za ŭsie žyćcie nie było ŭ mianie takoha žachu i ahidy jak ŭ 2022 kali nad majeiu chataju što noč letali samalety i viertalety bambić Ŭkrainu i ukrainski narod.
Tvaje vybačeńni nie viarnuć maich zahinutych siabroŭ i šmat zahinutych hodnych i śvietłych ludziej jakija a ŭ nijakaje paraŭnańnie nie stajać z taboju i tvajej svoraj. Jakim ty nie hodny navat ich adnaho palca. Nie adnoviać žyćcie maich ziemlakoŭ i šmat inšych, śvietłych ludziej, jakich ty pasadziŭ na drakonaŭskija terminy tolki za toje što jany sprabavali spynić ciahniki tvajej maskoŭskaj Ardy što lezła va Ukrainu, ci inakš vystupili suprać vajny.
Ŭ mianie niama dla ciabie nivodnaha dobraha słova. Amal ŭsia kraina žadaje tolki adnaho. Kab ty zd... ch.