Fatohraf z Kalinkavičaŭ zasudziŭ Maskoŭski zaapark, jaki vykarystaŭ biez dazvołu jaho fota norki
Sudovyja razhlady doŭžylisia bolš za hod i tolki niadaŭna Maskoŭski haradski sud pastaviŭ kropku ŭ spravie. U vyniku biełarus pieramoh i atrymaje kampiensacyju za parušeńnie aŭtarskich pravoŭ, piša vydańnie «Mocnyja naviny».
Jak vynikaje z sudovych bazaŭ, fatohrafa-animalista zavuć Andrej Šeŭčyk, i jon šmat hadoŭ fatahrafuje ptušak i žyvioł u dzikaj pryrodzie.
U 2025 hodzie mužčyna naviedaŭ zaapark u Maskvie i na adnym sa stendaŭ ubačyŭ svaju fatahrafiju amierykanskaj norki ŭ momant palavańnia na rybu. Jana była apublikavanaja ŭ 2017 hodzie na sajcie «Dzikaja pryroda Biełarusi». Zaapark spampavaŭ fota z sajta i vykarystaŭ dla svaich patreb biez dazvołu aŭtara, heta značyć parušyŭ aŭtarskija pravy.
Mirnym šlacham vyrašyć pytańnie nie ŭdałosia — fatohraf źviarnuŭsia ŭ sud z pazovam da Maskoŭskaha zaaparka i… spravu prajhraŭ. Preśnienski rajonny sud Maskvy jaho pazoŭ adchiliŭ.
Tady biełarus napisaŭ apielacyjnuju skarhu, jakuju razhledzieŭ Maskoŭski haradski sud. I voś tut jaho čakaŭ pośpiech. Druhaja sudovaja instancyja admianiła rašeńnie rajonnaha suda, spahnaŭšy na karyść pazoŭnika z Maskoŭskaha zaaparka kampiensacyju za parušeńnie aŭtarskich pravoŭ, maralnuju škodu i sudovyja vydatki ŭ ahulnaj sumie 42 tysiačy rasijskich rubloŭ (kala 570 dalaraŭ).
«U materyjałach spravy majecca dastatkovaja sukupnaść dokazaŭ, jakija paćviardžajuć aŭtarstva biełaruskaha fatohrafa. Arhumient adkazčyka ab znachodžańni fatahrafii ŭ svabodnym dostupie pryznany nieabhruntavanym, pakolki raźmiaščeńnie vyjavy na roznych infarmacyjnych partałach samo pa sabie nie śviedčyć ab pravie trecich asob vykarystoŭvać jaho biez zhody aŭtara i biez vypłaty ŭznaharodžańnia», — paviedamlajecca ŭ materyjałach spravy.
Na trasie pad Smalavičami byŭ zaŭvažany vielmi vychavany łoś VIDEA
U Šumilinskim rajonie da škoły pryjšło miedźviedziania VIDEA
«15 chvilin i kaštuje 100 rubloŭ». Biełarusy spračajucca pra canu spatkańnia z kapibaraj u parku žyvioł pad Baranavičami
U Kobrynskim rajonie babior pierahryz elektryčny kabiel
Ciapier čytajuć
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy21
Łukašenka: Pry ciapierašnim ciačeńni vajny Biełaruś z Rasijaj nie zmahli b abaranić biełaruskaj miažy ad Ukrainy
«70% mastakoŭ u čornych śpisach». Mastak Siarhiej Hrynievič paśla tryumfu ŭ Vieniecyi raskazaŭ pra hady maŭčańnia i pra toje, na jakim śviecie jon apynuŭsia1515
Kamientary